2015 - ല് പ്രേമം എന്ന ബ്ലോക്ക്ബസ്റ്റര് ഹിറ്റിലൂടെ തെന്നിന്ത്യൻ പ്രേക്ഷകരുടെ ഹൃദയം കീഴടക്കിയ നായികമാരാണ് സായ് പല്ലവിയും അനുപമ പരമേശ്വരനും.
ഇപ്പോഴിതാ, ചിത്രങ്ങൾ നിറഞ്ഞ ഒരു ചുമരിനു മുന്നിൽ നിൽക്കുന്ന ചിത്രം പങ്കുവച്ച് ഒരു വൈകാരിക കുറിപ്പുമായി എത്തിയിരിക്കുകയാണ് അനുപമ പരമേശ്വരൻ. ദുഷ്കരമായ ഒരു കാലഘട്ടത്തിൽ പെയിന്റിങ് തന്റെ ജീവിതത്തിന്റെ ഭാഗമായി മാറിയത് എങ്ങനെയാണെന്നും അതിനു സായ് പല്ലവി എങ്ങനെയാണ് ഒരു നിയോഗമായി മാറിയതെന്നുമാണ് അനുപമ പറയുന്നത്.
‘2021-ൽ എന്റെ ജീവിതത്തിലെ ഏറ്റവും ദുഷ്കരമായ ഘട്ടങ്ങളിലൊന്നിൽ വരച്ചതാണ് ഇവയെല്ലാം. കുട്ടിക്കാലത്ത് എനിക്ക് നിറങ്ങൾ വളരെ ഇഷ്ടമായിരുന്നു, പക്ഷേ ഞാൻ ഒരിക്കലും ചിത്രരചനയെക്കുറിച്ച് ശരിക്കും പഠിച്ചില്ല. പിന്നീട് ഒരു ദിവസം, ഞാൻ എന്താണ് അനുഭവിക്കുന്നതെന്ന് പങ്കുവയ്ക്കുന്നതിനിടയിൽ, ഞാൻ സായി പല്ലവിയോട് സംസാരിച്ചു. അവൾ...ആ ലളിതമായ ആംഗ്യത്തിലൂടെയാണ് എല്ലാം ആരംഭിച്ചത്.
എനിക്കറിയാത്ത എന്റെ ഒരു ഭാഗം എനിക്ക് പരിചയപ്പെടുത്തിയതിന് പല്ലവിയോട് ഒരു ചെറിയ ആർപ്പുവിളി, ഒരുപാട് സ്നേഹം. ലവ് യൂ ഡാര്ലിങ്...എന്റെ സുന്ദരിയായ അമ്മയും അച്ഛനും നിശബ്ദമായി മുഴുവൻ ശേഖരവും ഫ്രെയിം ചെയ്ത് എന്റെ സ്റ്റുഡിയോയുടെ ചുമരുകളിൽ തൂക്കി. ഒരു ബുദ്ധിമുട്ടുള്ള അധ്യായത്തിൽ നിന്ന് ഓർമ്മകൾ നിറഞ്ഞ ഒരു ചുമരിലേക്ക്. എത്ര മധുരമാണത്...’ എന്നാണ് അനുപമ കുറിച്ചത്.
അനുപമയുടെ സ്റ്റോറി സായി പല്ലവി ഷെയർ ചെയ്തു. ഒപ്പം ‘നിന്നോട് ഒരുപാട് സ്നേഹം. മൈ ബേബി...ചിത്രങ്ങൾ വ്യക്തിപരവും വളരെ മനോഹരവുമാണ്. നിങ്ങളുടെ കഴിവുകൾ പൂത്തുലയുന്നത് കാണുന്നതിൽ എനിക്ക് വളരെ സന്തോഷമുണ്ട്...’ എന്നും കുറിച്ചു...