മാസങ്ങൾ നീണ്ട തന്റെ ശാരീരിക മാറ്റത്തിന്റെ കഠിനമായ യാത്ര ചുരുങ്ങിയ സെക്കൻഡുകൾക്കുള്ളിൽ കോർത്തിണക്കിയ ഒരു വെയ്റ്റ് ലോസ് വിഡിയോ പങ്കുവച്ച് നടി ഗ്രേസ് ആന്റണി. ‘മാസങ്ങളുടെ കഠിനാധ്വാനം ചില സെക്കൻഡുകളിൽ’ എന്നാണ് താരം വിഡിയോയ്ക്കൊപ്പം കുറിച്ചത്. ജിമ്മിലെ വർക്കൗട്ട് ദൃശ്യങ്ങൾ ഉൾപ്പെടുത്തിയ വിഡിയോയാണ് ഗ്രേസ് പോസ്റ്റ് ചെയ്തിരിക്കുന്നത്.
‘ആരാണ് നിങ്ങളുടെ പ്രചോദനം?’ എന്ന ചോദ്യത്തിന് ‘ഞാൻ തന്നെ!’ എന്നാണ് ഗ്രേസിന്റെ ഉത്തരം. #hardwork, #proudofmyself, #weightlossjourney എന്നീ ഹാഷ്ടാഗുകളോടെ പങ്കുവച്ച വിഡിയോ ഇതിനോടകം തന്നെ സോഷ്യൽ മീഡിയയിൽ വൈറലായിക്കഴിഞ്ഞു.
ആരോഗ്യപ്രശ്നങ്ങളും ശാരീരിക ബുദ്ധിമുട്ടുകളും നേരിട്ട ഒരു ഘട്ടത്തിൽ നിന്നാണ് തന്റെ മനക്കരുത്ത് കൊണ്ട് നൃത്തത്തിലേക്കും പൂർണ ഫിറ്റ്നസിലേക്കും തിരിച്ചെത്തിയതെന്ന് ഗ്രേസ് ആന്റണി പറഞ്ഞിരുന്നു.
Grace Antony's Incredible Weight Loss Transformation Unveiled: