അഹാനയ്ക്കൊപ്പമുള്ള ചിത്രം പങ്കുവച്ച്, ‘സോളിഡ്’ എന്നു കുറിച്ച് നിമിഷ് രവി: താരത്തിന് പിന്തുണ Ahana Krishna Faces Cyber Bullying Amidst Family Dispute

കുടുംബത്തിലെ ആഭ്യന്തര കലഹങ്ങളും തുടർന്ന് അമ്മൂമ്മ വസന്ത ഉന്നയിച്ച ഗുരുതരമായ ആരോപണങ്ങളും നടി അഹാന കൃഷ്ണയ്ക്കു നേരെ വലിയ തോതിലുള്ള സൈബർ ആക്രമണങ്ങൾക്കാണ് വഴിതുറന്നിരിക്കുന്നത്. ഈ സാഹചര്യത്തിൽ അഹാനയ്ക്കു പിന്തുണയുമായി രംഗത്തെത്തിയിരിക്കുകയാണ് സുഹൃത്തും ഛായാഗ്രാഹകനുമായ നിമിഷ് രവി. അഹാനയ്ക്കൊപ്പമുള്ള ചിത്രം ഇൻസ്റ്റഗ്രാം സ്റ്റോറിയായി പങ്കുവച്ച നിമിഷ്, ‘സോളിഡ്’ എന്നാണ് ഒപ്പം കുറിച്ചത്.

കസിൻ തൻവി തന്റെ വ്ലോഗിലൂടെ പങ്കുവച്ച ചില കാര്യങ്ങളും അതിനുപിന്നാലെ അമ്മൂമ്മ വസന്ത നടത്തിയ വെളിപ്പെടുത്തലുകളുമാണ് നടൻ കൃഷ്ണ കുമാറിന്റെ കുടുംബത്തെ പ്രതിക്കൂട്ടിലാക്കുന്ന തരത്തിലേക്ക് വിവാദങ്ങളെ എത്തിച്ചത്. ഇത് സോഷ്യൽ മീഡിയ ഏറ്റെടുക്കുകയായിരുന്നു. അതോടെ ഇതിനെതിരെ പ്രതികരിച്ച് അഹാനയും രംഗത്തെത്തി.