അന്തരിച്ച വിഖ്യാത ഗായിക എസ്.ജാനകിയെ അനുസ്മരിച്ച് നടി തൃഷ കൃഷ്ണൻ.
‘എന്റെ ഏറ്റവും സ്പെഷ്യലായ സിനിമകളിലൊന്നിൽ നിങ്ങളുടെ പേരുള്ള കഥാപാത്രത്തെ അവതരിപ്പിക്കാൻ കഴിഞ്ഞത് എന്റെ ജീവിതത്തിലെ ഏറ്റവും വലിയ ബഹുമതികളിൽ ഒന്നായി എക്കാലവും നിലനിൽക്കും. എന്നാൽ നിങ്ങളെ അറിയാനും നിങ്ങളുടെ സ്നേഹം നേടാനും കഴിഞ്ഞത് ഞാൻ എന്നെന്നും ഓർമ്മിക്കും. നിങ്ങളുടെ ആലിംഗനങ്ങൾക്കും, ദയയ്ക്കും, ചിരിയ്ക്കും, ഏറ്റവും വലിയ കലാകാരന്മാർ വിനയമുള്ള ആത്മാക്കളാണെന്ന് എപ്പോഴും ഓർമിപ്പിച്ചതിനും നന്ദി. നിങ്ങളുടെ ശബ്ദം എന്നെന്നും നിലനിൽക്കും. സമാധാനമായി വിശ്രമിക്കൂ ജാനകിയമ്മേ. നിങ്ങളെ ഞാൻ വല്ലാതെ മിസ് ചെയ്യും’ എന്നാണ് ജാനകിക്കൊപ്പമുള്ള ചിത്രം പങ്കുവച്ച് തൃഷ കുറിച്ചത്.
തൃഷ നായികയായ 96 എന്ന ചിത്രത്തില് എസ്.ജാനകി അഭിനയിച്ചിരുന്നു. എന്നാൽ ചിത്രം തിയേറ്ററിലെത്തിയപ്പോൾ ആ സീൻ ഉണ്ടായിരുന്നില്ല. ചിത്രത്തിൽ എസ്. ജാനകി ദേവി എന്ന കഥാപാത്രത്തെയാണ് തൃഷ അവതരിപ്പിച്ചത്. ജാനു എന്നു വിളിക്കപ്പെടുന്ന ആ കഥാപാത്രത്തിന്റെ പേര് എസ്. ജാനകിയോടുള്ള ആരാധനയിൽ നിന്നാണ് വന്നതെന്ന് ചിത്രത്തിൽ പറയുന്നുണ്ട്.