ചിക്കൻ പക്കോഡ
1.ചിക്കൻ – 250 ഗ്രാം, എല്ലില്ലാതെ
2.ഗരംമസാലപ്പൊടി – ഒരു ചെറിയ സ്പൂൺ
കാശ്മീരി മുളകുപൊടി – ഒരു വലിയ സ്പൺ
ജീരകം വറുത്തു പൊടിച്ചത് – ഒരു ചെറിയ സ്പൂൺ
മല്ലിപ്പൊടി – ഒരു ചെറിയ സ്പൂൺ
കുരുമുളകുപൊടി – അര ചെറിയ സ്പൂൺ
ഇഞ്ചി–വെളുത്തുള്ളി പേസ്‌റ്റ് – രണ്ടു ചെറിയ സ്പൂൺ
ഉപ്പ് – പാകത്തിന്
നാരങ്ങാനീര് – ഒരു നാരങ്ങയുടേത്
എണ്ണ – ഒരു ചെറിയ സ്പൂൺ
മല്ലിയില, പൊടിയായി അരിഞ്ഞത് – ഒരു വലിയ സ്പൂൺ
പുതിനയില, പൊടിയായി അരിഞ്ഞത് – ഒരു വലിയ സ്പൂൺ
പച്ചമുളക് – രണ്ട്, പൊടിയായി അരിഞ്ഞത്
മുട്ട – ഒന്ന്
3.കോൺഫ്‌ളോർ – രണ്ടു വലിയ സ്പൂൺ
അരിപ്പൊടി – രണ്ടു വലിയ സ്പൂൺ
4.എണ്ണ – വറുക്കാൻ ആവശ്യത്തിന്
5.കറിവേപ്പില – മൂന്നു തണ്ട്
പച്ചമുളക് – മൂന്ന്, നീളത്തിൽ അരിഞ്ഞത്
പാകം ചെയ്യുന്ന വിധം
∙ചിക്കൻ ചെറിയ കഷണങ്ങളാക്കി മുറിച്ചു വയ്ക്കുക.
∙ഒരു വലിയ ബൗളിൽ രണ്ടാമത്തെ ചേരുവ യോജിപ്പിക്കുക.
∙ഇതിലേക്കു ചിക്കൻ ചേർത്തു നന്നായി യോജിപ്പിച്ച് അരമണിക്കൂർ വയ്ക്കണം.
∙മൂന്നാമത്തെ ചേരുവ തയാറാക്കി വച്ചിരിക്കുന്ന ചിക്കനിൽ ചേർത്തു യോജിപ്പിക്കുക.
∙പാനിൽ എണ്ണ ചൂടാക്കി അഞ്ചാമത്തെ ചേരുവ ചേർത്തു മൂടിവച്ചു വറുത്തു കോരി മാറ്റി വയ്ക്കണം.
∙ഇതേ എണ്ണയിൽ ചിക്കൻ കഷണങ്ങൾ ചേർത്തു ചെറു തീയിൽ വറുത്തു കോരുക.
∙വറുത്തു വച്ചിരിക്കുന്ന കറിവേപ്പിലയും പച്ചമുളകും കൊണ്ടലങ്കരിച്ചു വിളമ്പാം.
