മീൻ കുറുമ
1.നെയ്മീൻ – 10 കഷണം
2.തേങ്ങ – ഒരു ചെറുത്, ചുരണ്ടിയത്
3.വെളിച്ചെണ്ണ – 100 ഗ്രാം
4.സവാള – രണ്ട്, പൊടിയായി അരിഞ്ഞത്
ഇഞ്ചി പൊടിയായി അരിഞ്ഞത് – ഒരു വലിയ സ്പൂൺ
വെളുത്തുള്ളി പൊടിയായി അരിഞ്ഞത് – രണ്ടു വലിയ സ്പൂൺ
5.പച്ചമുളക് – നാല്, നീളത്തില്‍ മുറിച്ചത്
6.മുളകുപൊടി – കാൽ ചെറിയ സ്പൂൺ
മല്ലിപ്പൊടി – അര വലിയ സ്പൂൺ
മഞ്ഞൾപ്പൊടി – കാൽ ചെറിയ സ്പൂൺ
7.തക്കാളി – ഒന്ന്, നീളത്തിൽ മുറിച്ചത്
ഉപ്പ് – പാകത്തിന്
8.കശുവണ്ടിപ്പരിപ്പ് – രണ്ടു വലിയ സ്പൂൺ, വെള്ള്തിൽ കുതിർത്ത് അരച്ചത്
തൈര് – കാൽ കപ്പ്
9.നാരങ്ങാനീര് – അര വലിയ സ്പൂൺ
മല്ലിയില അരിഞ്ഞത് – നാലു വലിയ സ്പൂൺ
പാകം ചെയ്യുന്ന വിധം
∙മീൻ വൃത്തിയാക്കി വയ്ക്കുക.
∙തേങ്ങ ചുരണ്ടി കാൽ കപ്പ് വെള്ളം ചേർത്തു മിക്സിയിൽ അടിച്ചു പിഴിഞ്ഞ് ഒന്നാം പാലും അരക്കപ്പ് വെള്ളം ചേർത്തടിച്ചു പിഴിഞ്ഞു രണ്ടാ പാലും എടുത്തു വയ്ക്കണം.
∙എണ്ണ ചൂടാക്കി നാലാമത്തെ ചേരുവ ചേർത്തു വഴറ്റുക. സവാള ഗോൾഡൻ ബ്രൗൺ നിറമാകുമ്പോൾ പച്ചമുളകു ചേർത്തു വഴറ്റണം.
∙ഇതിലേക്ക് ആറാമത്തെ ചേരുവ ചേർത്തു വഴറ്റി മസാല മൂത്ത മണം വരുമ്പോൾ രണ്ടാമ പാൽ ചേർത്തിളക്കുക.
∙തിളയ്ക്കുമ്പോൾ തക്കാളിയും ഉപ്പും മീൻ കഷണങ്ങളും ചേർത്തിളക്കണം.
∙നന്നായി തിളച്ചു കുറുകുമ്പോൾ ഒന്നാം പാൽ ഒഴിച്ച് വീണ്ടും തിളവരുമ്പോൾ എട്ടാമത്തെ ചേരുവ ചേർത്തിളക്കണം.
∙ഒന്നു തിളയ്ക്കുമ്പോൾ ഒമ്പതാമത്തെ ചേരുവ ചേർത്തിളക്കി അടുപ്പിൽ നിന്നു വാങ്ങുക.
