മടക്കു ചപ്പാത്തി
1.ഗോതമ്പുപൊടി – മൂന്നു കപ്പ്
ഉപ്പ്, വെള്ളം – പാകത്തിന്
2.വനസ്പതി – 20 ഗ്രാം
3.ഗോതമ്പുപൊടി – പരത്താൻ ആവശ്യത്തിന്
പാകം ചെയ്യുന്ന വിധം
∙ഒന്നാമത്തെ ചേരുവ യോജിപ്പിച്ചു ചപ്പാത്തിക്കെന്ന പോലെ കുഴച്ച് ഒരു മണിക്കൂർ വയ്ക്കുക.
∙വനസ്പതി ഉരുക്കി വയ്ക്കണം.
∙കുഴച്ച മാവ് 12 ഉരുളകളാക്കി, ഓരോ ഉരുളയും കനം കുറച്ചു പരത്തുക.
∙ഓരോ ചപ്പാത്തിയും ഇരുവശത്തു നിന്നും അകത്തേക്കു മടക്കിയ ശേഷം ബാക്കി രണ്ടു വശവും വീണ്ടും അകത്തേക്കു മടക്കണം.
∙ചപ്പാത്തി ചതുരാകൃതിയിലാക്കി പരത്തി ചൂടായ തവയിലിട്ട് വനസ്പതി തൂവി ചുട്ടെടുക്കാം.