1. ചിക്കൻ – ഒരു കിലോ
2. വെളിച്ചെണ്ണ – 150 ഗ്രാം
3. വഴനയില – മൂന്ന്
സവാള – കാൽ കിലോ, അരിഞ്ഞത്
പച്ചമുളക് അരിഞ്ഞത് – രണ്ടു ചെറിയ സ്പൂൺ
ഇഞ്ചി അരിഞ്ഞത് – രണ്ടു ചെറിയ സ്പൂൺ
വെളുത്തുള്ളി അരിഞ്ഞത് – രണ്ടു ചെറിയ സ്പൂൺ
കറിവേപ്പില – ഒരു തണ്ട്
4. മുളകുപൊടി – ഒരു വലിയ സ്പൂൺ
മഞ്ഞൾപ്പൊടി – ഒരു ചെറിയ സ്പൂൺ
മല്ലിപ്പൊടി – ഒരു വലിയ സ്പൂൺ
ഉപ്പ് – പാകത്തിന്
5. ഉരുളക്കിഴങ്ങ് – അരക്കിലോ, വലിയ കഷണങ്ങളാക്കിയത്
വെള്ളം – പാകത്തിന്
6. കാന്താരി – 10 ഗ്രാം, വറുത്തു ചതച്ചത്
7. നെയ്യ് – രണ്ടു ചെറിയ സ്പൂൺ
8. ചുവന്നുള്ളി – 200 ഗ്രാം, അരിഞ്ഞത്
പാകം ചെയ്യുന്ന വിധം
∙ ചിക്കൻ കഴുകി വൃത്തിയാക്കി 80 ഗ്രാം വീതമുള്ള കഷണങ്ങളാക്കി വയ്ക്കുക.
∙ ഉരുളിയിൽ വെളിച്ചെണ്ണ ചൂടാക്കി മൂന്നാമത്തെ ചേരുവ വഴറ്റണം. ഇതില്‍ നാലാമത്തെ ചേരുവ ചേർത്തിളക്കിയ ശേഷം ചിക്കനും ഉരുളക്കിഴങ്ങും വെള്ളവും ചേർത്തു വേവിക്കണം.
∙ ഇതിൽ കാന്താരി വറുത്തു ചതച്ചതു ചേർത്ത ശേഷം നെയ്യിൽ താളിച്ച ചുവന്നുള്ളി ചേർത്തു വിളമ്പാം.
