പഴംപൊരിക്ക്
1. ഏത്തപ്പഴം – മൂന്ന്
2. മൈദ – ഒരു കപ്പ്
അരിപ്പൊടി – രണ്ടു വലിയ സ്പൂൺ
പഞ്ചസാര – ഒരു വലിയ സ്പൂൺ
മഞ്ഞൾപ്പൊടി – ഒരു നുള്ള്
വെള്ളം, ഉപ്പ് – പാകത്തിന്
3. വെളിച്ചെണ്ണ – വറുക്കാൻ ആവശ്യത്തിന്
ബീഫ് കറിക്ക്
4. ബീഫ് – ഒരു കിലോ
5. ചുവന്നുള്ളി – ആറ്, അരിഞ്ഞത്
വെളുത്തുള്ളി – എട്ട് അല്ലി, അരിഞ്ഞത്
ഇഞ്ചി – ഒരിഞ്ചു കഷണം, അരിഞ്ഞത്
മല്ലിപ്പൊടി – ഒരു വലിയ സ്പൂൺ
മുളകുപൊടി – ഒരു വലിയ സ്പൂൺ
മഞ്ഞൾപ്പൊടി – അര ചെറിയ സ്പൂൺ
കുരുമുളകുപൊടി – ഒരു ചെറിയ സ്പൂൺ
ഗരംമസാലപ്പൊടി – ഒരു ചെറിയ സ്പൂൺ
വിനാഗിരി – ഒരു വലിയ സ്പൂൺ
പച്ചമുളക് – രണ്ട്, അരിഞ്ഞത്
ഉപ്പ് – പാകത്തിന്
6. വെളിച്ചെണ്ണ – പാകത്തിന്
7. സവാള – രണ്ട്, അരിഞ്ഞത്
കറിവേപ്പില – രണ്ടു തണ്ട്
8. ഇഞ്ചി–വെളുത്തുള്ളി പേസ്റ്റ് – ഒരു വലിയ സ്പൂൺ
9. മുളകുപൊടി – ഒന്നര ചെറിയ സ്പൂൺ
മഞ്ഞൾപ്പൊടി, ഗരംമസാലപ്പൊടി, പെരുംജീരകം പൊടിച്ചത് – അര ചെറിയ സ്പൂൺ വീതം
10. തക്കാളി – ഒന്ന്, അരിഞ്ഞത്
11. കടുക് – അര ചെറിയ സ്പൂൺ
12. ചുവന്നുള്ളി – മൂന്ന്, അരിഞ്ഞത്
വറ്റൽമുളക് – രണ്ട്, ഓരോന്നും രണ്ടാക്കിയത്
കറിവേപ്പില – ഒരു തണ്ട്
പാകം ചെയ്യുന്ന വിധം
∙ ഏത്തപ്പഴം തൊലി കളഞ്ഞു നീളത്തിലുള്ള കഷണങ്ങളാക്കുക. ഒരു വലിയ പാത്രത്തിൽ രണ്ടാമത്തെ ചേരുവ യോജിപ്പിച്ചു മാവു തയാറാക്കുക. മാവ് അധികം നീണ്ടുപോകരുത്.
∙ ഏത്തപ്പഴക്കഷണങ്ങൾ മാവിൽ മുക്കി തിളച്ച എണ്ണയിൽ വറുത്തു കോരണം.
∙ ബീഫ് കഴുകി വൃത്തിയാക്കി ഇടത്തരം കഷണങ്ങളാക്കുക.
∙ അഞ്ചാമത്തെ ചേരുവ ബീഫിൽ പുരട്ടി അരമണിക്കൂർ വച്ച ശേഷം പ്രഷർ കുക്കറിലാക്കി വേവിക്കണം.
∙ ചീനച്ചട്ടിയിൽ എണ്ണ ചൂടാക്കി സവാളയും കറിവേപ്പിലയും വഴറ്റിയ ശേഷം ഇഞ്ചി–വെളുത്തുള്ളി പേസ്റ്റ് ചേർത്തു വ ഴറ്റുക.
∙ ഇതിലേക്ക് ഒൻപതാമത്തെ ചേരുവ ചേർത്തു വഴറ്റിയ ശേ ഷം തക്കാളി ചേർത്തു വഴറ്റുക. തക്കാളി വെന്തുടയുമ്പോൾ ബീഫും ബീഫ് വെന്ത വെള്ളവും ചേർത്ത് ഇളക്കണം. ന ന്നായി തിളച്ചു പാകത്തിനു കുറുകുമ്പോൾ വാങ്ങാം.
∙ അൽപം എണ്ണ ചൂടാക്കി കടുക് പൊട്ടിച്ച ശേഷം ചുവന്നു ള്ളിയും കറിവേപ്പിലയും വറ്റൽമുളകും മൂപ്പിച്ചു വാങ്ങി ബീ ഫിൽ ചേർക്കുക.
∙ ബീഫിൽ മുക്കി പഴംപൊരി കഴിക്കാം.
തയാറാക്കിയത്: ശില്‌പ ബി. രാജ്
ഫോട്ടോയ്ക്കു വേണ്ടി വിഭവങ്ങൾ തയാറാക്കിയത്: റെജിമോൻ പി. എസ്. ഷെഫ് ഡി പാർട്ടി , ക്രൗൺ പ്ലാസ, കൊച്ചി
