സ്പിനാച്ച് പനീർ റൈസ്
1.സ്പിനാച്ച് അരിഞ്ഞത് – രണ്ടു കപ്പ്
2.പച്ചമുളക് – രണ്ട്
3.വെണ്ണ – രണ്ടു വലിയ സ്പൂൺ
4.വെളുത്തുള്ളി അരിഞ്ഞത് – രണ്ടു വലിയ സ്പൂൺ
5.പനീർ – ഒരു കപ്പ്
കോൺ വേവിച്ചത് – ഒരു കപ്പ്
6.ഉപ്പ് – പാകത്തിന്
ഇറ്റാലിയൻ സീസണിങ് – ഒരു ചെറിയ സ്പൂൺ
ഗരംമസാലപൊടി – ഒരു ചെറിയ സ്പൂൺ
7.ബസ്മതി അരി വേവിച്ചത് – രണ്ടു കപ്പ്
പാകം ചെയ്യുന്ന വിധം
∙സ്പിനാച്ച് ചൂടുവെള്ളത്തിൽ രണ്ടു മിനിറ്റ് ഇട്ട ശേഷം തണുത്ത വെള്ളത്തിലിട്ട് ഊറ്റി മാറ്റി വയ്ക്കുക.
∙ഇതിലേക്കു പച്ചമുളകും ചേർത്ത് നന്നായി അരച്ചു വയ്ക്കണം.
∙പാനിൽ വെണ്ണ ചൂടാക്കി വെളുത്തുള്ളി വഴറ്റുക.
∙ഗോൾഡൻ നിറമാകുമ്പോൾ പനീറും കോണും ചേർത്ത് അഞ്ചു മിനിറ്റു വഴറ്റണം.
∙ഇതിലേക്ക് ആറാമത്തെ ചേരുവ യോജിപ്പിച്ചു വഴറ്റണം.
∙പച്ചമണം മാറുമ്പോൾ സ്പിനാച്ച് മിശ്രിതവും ചേർത്തിളക്കുക.
∙വേവിച്ചു വച്ചിരിക്കുന്ന ചോറും ചേർത്തിളക്കി ചൂടോടെ വിളമ്പാം.
