തയാറാക്കിയത്: മെര്‍ലി എം. എല്‍ദോ, ഫോട്ടോ: ശ്രീകാന്ത് കളരിക്കല്‍. പാചകക്കുറിപ്പുകൾക്കും ഫോട്ടോയ്ക്കു വേണ്ടി വിഭവങ്ങള്‍
തയാറാക്കിയതിനും കടപ്പാട്: പ്രിയ കോളശ്ശേരി, കൊലമാസ് കിച്ചണ്‍, തിരുവനന്തപുരം.
1. ഫ്രെഷ് സ്ട്രോബെറി – ഒരു കിലോ
2. പഞ്ചസാര – മുക്കാല്‍ കിലോ
3. തിളപ്പിച്ചാറിയ വെള്ളം – മൂന്നു കുപ്പി
4. യീസ്റ്റ് – ഒരു ചെറിയ സ്പൂൺ
പാകം ചെയ്യുന്ന വിധം
∙ സ്ട്രോബെറി നന്നായി കഴുകി ഫാനിന്റെ ചുവട്ടിലോ വെയിലത്തോ വച്ചു വെള്ളം തോർത്തി ഉണക്കിയെടുക്കുക. രണ്ടു ദിവസം വെയിലത്ത് ഉണക്കുന്നതാണ് ഉത്തമം.
∙ വൃത്തിയുള്ള ഭരണിയിൽ സ്ട്രോബെറിയും പഞ്ചസാരയും ലെയറുകളായി നിരത്തണം.
∙ മുകളിൽ വെള്ളം ഒഴിച്ച്, യീസ്റ്റും ചേർത്തു ഭരണി തുണി കൊണ്ടു മൂടിക്കെട്ടി വയ്ക്കുക.
∙ രണ്ടു ദിവസം കൂടുമ്പോൾ തടിത്തവി ഉപയോഗിച്ച് ഇളക്കി യോജിപ്പിക്കുക.
∙ 30 ദിവസത്തിനു ശേഷം അരിച്ചെടുത്ത് ഉപയോഗിക്കാം.
