ആലു മട്ടർ ഗോബി
1. എണ്ണ - മൂന്നു വലിയ സ്പൂൺ
2. ജീരകം - ഒരു ചെറിയ സ്പൂൺ
3. ഉലുവ - അര ചെറിയ സ്പൂൺ
4. കോളിഫ്ളവർ - ഒരു ചെറുത്, പൂക്കൾ അടർത്തിയത്
ഗ്രീൻപീസ് - മുക്കാൽ കപ്പ്
5. ഉരുളക്കിഴങ്ങ് - രണ്ട്, വേവിച്ചു വലിയ കഷണങ്ങളാക്കിയത്
മഞ്ഞൾപ്പൊടി - ഒരു ചെറിയ സ്പൂൺ
മല്ലിപ്പൊടി - അര ചെറിയ സ്പൂൺ
മുളകുപൊടി - ഒരു ചെറിയ സ്പൂൺ
6. തക്കാളി - ഒരു വലുത്, പൊടിയായി അരിഞ്ഞത്
ഉപ്പ് - പാകത്തിന്
പഞ്ചസാര - അര ചെറിയ സ്പൂൺ
7. മല്ലിയില പൊടിയായി അരിഞ്ഞത് - രണ്ടു വലിയ സ്പൂൺ
പാകം ചെയ്യുന്ന വിധം
∙ ഒരു ചീനച്ചട്ടിയിൽ എണ്ണ ചൂടാക്കി ജീരകം മൂപ്പിക്കുക.
∙ ജീരകം നിറം മാറിത്തുടങ്ങുമ്പോൾ ഉലുവ ചേർത്ത് ഒരു മിനിറ്റ് വഴറ്റണം.
∙ ഇതിലേക്കു നാലാമത്തെ ചേരുവ ചേർത്ത് ഏതാനും മിനിറ്റ് വേവിക്കുക. ഇടയ്ക്കിടെ ഇളക്കണം.
∙ ഇതിൽ അഞ്ചാമത്തെ ചേരുവ ചേർത്തു വഴറ്റി,നന്നായി യോജിപ്പിച്ച ശേഷം പാത്രം മുറുകെ അടച്ച് ആറ് - ഏഴു മിനിറ്റ് വേവിക്കുക. കോളിഫ്ളവർ വേവുന്നതാണ് കണക്ക്.
∙ പിന്നീട് പാത്രം തുറന്ന് ആറാമത്തെ ചേരുവ യോജിപ്പിച്ച ശേഷം വീണ്ടും അഞ്ചു മിനിറ്റ് വേവിച്ചു വാങ്ങുക.
∙ മല്ലിയില പൊടിയായി അരിഞ്ഞതു കൊണ്ട് അലങ്കരിച്ചു ചൂടോടെ വിളമ്പണം.