വെണ്ടയ്ക്ക മസാല
1.വെണ്ടയ്ക്ക – അരക്കിലോ
2.കശ്മീരി മുളകുപൊടി – ഒരു ചെറിയ സ്പൂൺ
കുരുമുളകുപൊടി – ഒരു ചെറിയ സ്പൂൺ
3.എണ്ണ – വറുക്കാൻ ആവശ്യത്തിന്
4.ഏലയ്ക്ക – രണ്ട്
ബേ ലീഫ് – ഒന്ന്
കറുവാപ്പട്ട – ഒരു കഷണം
5.സവാള – ഒന്ന്, പൊടിയായി അരിഞ്ഞത്
6.ഇഞ്ചി–വെളുത്തുള്ളി പേസ്‌റ്റ് – ഒരു വലിയ സ്പൂൺ
പച്ചമുളക് – ഒന്ന്, അരിഞ്ഞത്
7.തക്കാളി – ഒന്ന്, അരച്ചത്
8.മഞ്ഞൾപ്പൊടി – അര ചെറിയ സ്പൂൺ
കശ്മീരി മുളകുപൊടി – ഒരു വലിയ സ്പൂൺ
മല്ലിപ്പൊടി – ഒരു വലിയ സ്പൂൺ
ഗരംമസാലപൊടി – ഒരു ചെറിയ സ്പൂൺ
ജീരകംപൊടി – അര ചെറിയ സ്പൂൺ
9.ഫ്രെഷ് ക്രീം – ഒരു വലിയ സ്പൂൺ
10.കസൂരി മേത്തി – ഒരു ചെറിയ സ്പൂൺ
പാകം ചെയ്യുന്ന വിധം
∙വെണ്ടയ്ക്ക കഴുകി നന്നായി തുടച്ചുണക്കി ഒന്നരയിഞ്ചു നീളത്തിൽ മുറിക്കണം.
∙ഇതു ചെറുതായി വരഞ്ഞു രണ്ടാമത്തെ ചേരുവ യോജിപ്പിച്ചു ചൂടായ എണ്ണയിൽ വറുത്തു കോരി മാറ്റി വയ്ക്കണം.
∙ഇതേ എണ്ണയിൽ നിന്നും രണ്ടു വലിയ സ്പൂൺ എണ്ണ ചൂടാക്കി നാലാമത്തെ ചേരുവ വഴറ്റുക.
∙സവാള ചേർത്തു വഴറ്റി കണ്ണാടിപ്പരുവമാകുമ്പോൾ ആറാമത്തെ ചേരുവ ചേർത്തു വഴറ്റണം.
∙തക്കാളി അരച്ചതും ചേർത്തു നന്നായി തിളച്ച് എണ്ണ തെളിയുമ്പോൾ പൊടികൾ ചേർത്തു വഴറ്റണം.
∙പച്ചമണം മാറുമ്പോൾ വറുത്തു വച്ചിരിക്കുന്ന വെണ്ടയ്ക്കയും ഫ്രെഷ് ക്രീമും ചേർത്തിളക്കി യോജിപ്പിക്കുക.
∙കസൂരി മേത്തി ചേർത്തിളക്കി വാങ്ങാം.
