വഴുതനങ്ങ വറുത്തു തൈരു കറിയിൽ
1.വഴുതനങ്ങ – രണ്ട് ഇടത്തരം
2.ഉപ്പ് – പാകത്തിന്
മഞ്ഞൾപ്പൊടി – അര ചെറിയ സ്പൂൺ
3.എണ്ണ – പാകത്തിന്
4.ജീരകം – അര ചെറിയ സ്പൂൺ
സവാള – രണ്ട്, പൊടിയായി അരിഞ്ഞത്
പച്ചമുളക് – രണ്ട്, പൊടിയായി അരിഞ്ഞത്
6.മുളകുപൊടി – ഒന്നര ചെറിയ സ്പൂൺ
മഞ്ഞൾപ്പൊടി – അര ചെറിയ സ്പൂൺ
6.തക്കാളി – രണ്ട്, പൊടിയായി അരിഞ്ഞത്
7.തൈര് – 250 മില്ലി
8.മല്ലിയില അരിഞ്ഞത് – കാൽ കപ്പ്
പാകം ചെയ്യുന്ന വിധം
∙വഴുതനങ്ങ വലിയ ചതുരക്കഷണങ്ങളാക്കി അരിഞ്ഞതിൽ ഉപ്പും മഞ്ഞൾപ്പൊടിയും പുരട്ടി കുറച്ചു സമയം വച്ചിരുന്ന ശേഷം അരക്കപ്പ് എണ്ണയിൽ വറുത്തു കോരി വയ്ക്കുക.
∙അല്‍പം എണ്ണ ചൂടാക്കി, നാലാമത്തെ ചേരുവ വഴറ്റുക.
∙ഇത് ഇളംബ്രൗൺ നിറമാകുമ്പോൾ തീ കുറച്ചശേഷം അഞ്ചാമത്തെ ചേരുവ വഴറ്റണം.
∙മണം വന്നു തുടങ്ങുമ്പോൾ തക്കാളി ചേർത്തു വഴറ്റി എണ്ണ തെളിയുമ്പോൾ വഴുതനങ്ങ ചേർത്തു വാങ്ങി ഒരു പരന്ന പാത്രത്തിലാക്കുക.
∙ഇതിനു മുകളിൽ കട്ടത്തൈരൊഴിച്ചു മല്ലിയില കൊണ്ടലങ്കരിച്ച് ഉടൻ തന്നെ വിളമ്പുക.
