പനീർ ടിക്ക
1.പനീർ – 200 ഗ്രാം
2.കശ്മീരി മുളകുപൊടി – നാലു ചെറിയ സ്പൂൺ
തന്തൂരി ചിക്കൻ മസാല – ഒരു ചെറിയ സ്പൂൺ
മല്ലിപ്പൊടി – രണ്ടു ചെറിയ സ്പൂൺ
മഞ്ഞൾപ്പൊടി – അര ചെറിയ സ്പൂൺ
ജീരകംപൊടി – രണ്ടു ചെറിയ സ്പൂൺ
കസൂരി മേത്തി – ഒരു വലിയ സ്പൂൺ
ബ്ലാക്ക് സോൾട്ട് – ഒരു ചെറിയ സ്പൂൺ
ഉപ്പ് – പാകത്തിന്
ഇഞ്ചി–വെളുത്തുള്ളി അരച്ചത് – രണ്ടു ചെറിയ സ്പൂൺ
കട്ടത്തൈര് – രണ്ടു വലിയ സ്പൂൺ
3.കടുകെണ്ണ – മൂന്നു വലിയ സ്പൂൺ
പാകം ചെയ്യുന്ന വിധം
∙പനീർ ആറു കഷണങ്ങളായി മുറിച്ചു വയ്ക്കണം.
∙ഒരു വലിയ ബൗളിൽ രണ്ടാമത്തെ ചേരുവ യോജിപ്പിക്കുക.
ഇതിലേക്ക് കടുകെണ്ണ അൽപാൽപം വീതം ചേർത്തു കുഴമ്പു രൂപത്തിലാക്കുക.
∙ഈ മിശ്രിതം പനീറിൽ പുരട്ടി, രണ്ടു മണിക്കൂർ വയ്ക്കുക.
∙അവ്ൻ 200 Cൽ ചൂടാക്കിയിടുക.
∙പുരട്ടി വച്ചിരിക്കുന്ന പനീർ അലുമിനിയം ഫോയിലിൽ പൊതിഞ്ഞ്, ചൂടാക്കിയിട്ടിരിക്കുന്ന അവ്നിൽ വച്ചു ബേക്ക് ചെയ്യണം. ചൂടോടെ ചട്നിക്കൊപ്പം വിളമ്പാം.
