ഡ്രാഗൺ പനീർ
1.പനീർ – 200 ഗ്രാം
2.മുട്ടവെള്ള – ഒരു മുട്ടയുടേത്
ഉപ്പ് – പാകത്തിന്
3.എണ്ണ – പാകത്തിന്
4.വറ്റൽമുളകു ചതച്ചത് – ഒരു വലിയ സ്പൂൺ
വറ്റൽമുളക് – മൂന്ന്, വട്ടത്തിൽ അരിഞ്ഞത്
സവാള – ഒന്ന്, പൊടിയായി അരിഞ്ഞത്
ഇഞ്ചി അരിഞ്ഞത് – ഒരു വലിയ സ്പൂൺ
വെളുത്തുള്ളി അരിഞ്ഞത് – ഒരു വലിയ സ്പൂൺ
5.വെണ്ണ – 50 ഗ്രാം
സോയാസോസ് – ഒരു ചെറിയ സ്പൂൺ
ചുവന്ന ഫൂഡ് കളർ – അൽപം
ഉപ്പ് – പാകത്തിന്
6.വെളുത്ത എള്ള് – അലങ്കരിക്കാൻ
പാകം ചെയ്യുന്ന വിധം
∙പനീർ കഷണങ്ങളാക്കി, ഉപ്പും ചേർത്തടിച്ച മുട്ടവെള്ളയിൽ പൊതിഞ്ഞു ചൂടായ എണ്ണയിൽ വറുത്തു കോരണം.
∙ചീനച്ചട്ടിയിൽ എണ്ണ ചൂടാക്കി, നാലാമത്തെ ചേരുവ ചേർത്തു വഴറ്റുക.
∙നല്ല ബ്രൗൺ നിറമാകുമ്പോൾ അഞ്ചാമത്തെ ചേരുവ ചേർത്തിളക്കുക.
∙ഇതിലേക്കു പനീർ വറുത്തതും ചേർത്തിളക്കി വാങ്ങി എണ്ണു കൊണ്ട് അലങ്കരിച്ചു ചൂടോടെ വിളമ്പാം.