ബ്രെഡ് പോക്കറ്റ്
1. കോഴിമുട്ട - നാല്
കുരുമുളകുപൊടി - രണ്ടു വലിയ സ്പൂൺ
ഉപ്പ് - പാകത്തിന്
2. റൊട്ടി - 10 സ്ലൈസ്
3. എണ്ണ - പാകത്തിന്
4. കാബേജ് - 100 ഗ്രാം, പൊടിയായി അരിഞ്ഞത്
കാപ്സിക്കം - ഒന്ന്, പൊടിയായി അരിഞ്ഞത്
കാരറ്റ് - ഒന്ന്, പൊടിയായി അരിഞ്ഞത്
മയണീസ് - 100 ഗ്രാം
കുരുമുളകുപൊടി, ഉപ്പ് - പാകത്തിന്
പാകം ചെയ്യുന്ന വിധം
∙ മുട്ട, ഉപ്പും കുരുമുളകുപൊടിയും േചർത്തു നന്നായി അടിച്ചു വയ്ക്കണം.
∙ പാനിൽ എണ്ണ ചൂടാക്കി റൊട്ടി സ്ലൈസ് രണ്ടെണ്ണം എടുത്ത് ഓരോന്നും മുട്ടക്കൂട്ടിൽ മുക്കി, ഒന്നിനു മുകളിൽ ഒന്നായി വച്ച് എണ്ണയിൽ പൊരിച്ചെടുക്കണം.
∙ ഇതു തവയിൽ നിന്നെടുത്ത് കോണോടു കോൺ മുറിച്ച് ഓരോന്നിന്റെയും നടുവിൽ കത്തി കൊണ്ടു മെല്ലേ അടർത്തി, ഉണ്ടാകുന്ന പോക്കറ്റിൽ നാലാമത്തെ േചരുവ യോജിപ്പിച്ചത് അൽപം വീതം വയ്ക്കുക.
∙ സോസിനൊപ്പം വിളമ്പാം.
