നെയ്പ്പത്തിരി
1.വറുത്ത അരിപ്പൊടി – കാൽ കിലോ
മൈദ – കാൽ കിലോ
2.വെള്ളം – കാൽ ലിറ്റർ
ഉപ്പ് – പാകത്തിന്
3.ഏലയ്ക്കാപ്പൊടി – ഒരു ചെറിയ സ്പൂൺ
കരിംജീരകം – ഒരു ചെറിയ സ്പൂൺ
തേങ്ങ – ഒന്നിന്റെ പകുതി, ചുരണ്ടിയത്
4.എണ്ണ – വറുക്കാൻ ആവശ്യത്തിന്
പാകം ചെയ്യുന്ന വിധം
∙ഒന്നാമത്തെ ചേരുവ യോജിപ്പിച്ചു വയ്ക്കുക.
∙വെള്ളം ഉപ്പിട്ടു തിളപ്പിച്ച ശേഷം മൂന്നാമത്തെ ചേരുവ ചേർക്കണം.
∙ഇതിലേക്ക് അരിപ്പൊടിയും മൈദയും ചേർത്തു നന്നായി ഇളക്കുക. (വെള്ളം നന്നായി തിളച്ചില്ലെങ്കിൽ മാവ് പാത്രത്തിന്റെ ചുവട്ടിൽ പറ്റിപ്പിടിക്കും)
∙വാങ്ങി വച്ച് ചൂടാറിയ ശേഷം കുഴയ്ക്കുക.
∙ഇത് പൂരി പോലെ പരത്തി ചൂടായ എണ്ണയിൽ വറുത്തു കോരുക.
