ചിക്കൻ കാഫ്റിയൽ
1.ചിക്കൻ – അരക്കിലോ
2.മഞ്ഞൾപ്പൊടി – അര ചെറിയ സ്പൂൺ
ഉപ്പ് – പാകത്തിന്
3.മല്ലിയില – ഒരു പിടി
പുതിനയില – ഒരു പിടി
വെളുത്തുള്ളി – ഏഴ്–എട്ട് അല്ലി
ഇഞ്ചി – ഒരിഞ്ചു കഷണം
പച്ചമുളക് – നാല്
കുരുമുളക് – അര ചെറിയ സ്പൂൺ
ജീരകം – അര ചെറിയ സ്പൂൺ
ഗ്രാമ്പൂ – മൂന്ന്
കറുവാപ്പട്ട – അരയിഞ്ചു കഷണം
ഏലയ്ക്ക – മൂന്ന്
കശുവണ്ടിപ്പരിപ്പ് – ആറ്
പഞ്ചസാര – ഒരു ചെറിയ സ്പൂൺ
വിനാഗിരി – രണ്ടു വലിയ സ്പൂൺ
4.എണ്ണ – രണ്ടു വലിയ സ്പൂൺ
5.വെള്ളം – ഒരു കപ്പ്
പാകം ചെയ്യുന്ന വിധം
∙ചിക്കൻ നന്നായി കഴുകി അൽപം വലിയ കഷണങ്ങളാക്കി മുറിച്ച് രണ്ടാമത്തെ ചേരുവ ചേർത്ത് പത്തു മിനിറ്റ് വയക്കുക.
∙മിക്സിയിൽ മൂന്നാമത്തെ ചേരുവ മയത്തിൽ അരച്ചെടുക്കുക.
∙ഇതു ചിക്കനിൽ പുരട്ടി പത്തു മിനിറ്റു വയ്ക്കണം.
∙പാനിൽ എണ്ണ ചൂടാക്കി അ‌രപ്പിൽ നിന്നും ചിക്കൻ കഷണങ്ങൾ എടുത്തു എണ്ണയിൽ തിരിച്ചും മറിച്ചുമിട്ടു മൂന്നു മിനിറ്റു വീതം വേവിക്കുക.
∙ഇതിലേക്കു ബാക്കി അരപ്പും ഒരു കപ്പു വെള്ളവും ചേർത്തു യോജിപ്പിച്ച് മൂടി വച്ചു വേവിക്കുക.
∙വെള്ളം വറ്റി അരപ്പു ചിക്കനിൽ പൊതിഞ്ഞിരിക്കുന്ന പരുവത്തിൽ വാങ്ങാം.
