പരിപ്പു കട്ട
1.പരിപ്പ് – ഒരു കപ്പ്
തക്കാളി – രണ്ട്, കഷണങ്ങളാക്കിയത്
സവാള – ഒന്ന്, പൊടിയായി അരിഞ്ഞത്
ജീരകം വറുത്തത് – അര ചെറിയ സ്പൂൺ
ഉലുവ വറുത്തത് – അര ചെറിയ സ്പൂൺ
2.വാളൻപുളി – ഒരു നെല്ലിക്കാ വലുപ്പത്തിൽ
3.മുളകുപൊടി – ഒരു വലിയ സ്പൂൺ
മല്ലിപ്പൊടി – അര വലിയ സ്പൂൺ
മഞ്ഞൾപ്പൊടി – അര ചെറിയ സ്പൂൺ
4.എണ്ണ – പാകത്തിന്
5.കടുക് – അര ചെറിയ സ്പൂൺ
ജീരകം – കാൽ ചെറിയ സ്പൂൺ
വെളുത്തുള്ളി – ആറ് അല്ലി, അരിഞ്ഞത്
വറ്റൽമുളക് – മൂന്ന്, കഷണങ്ങളാക്കിയത്
6.മല്ലിയില അരിഞ്ഞത് – അലങ്കരിക്കാൻ
പാകം ചെയ്യുന്ന വിധം
∙ഒന്നാമത്തെ ചേരുവ പ്രഷർകുക്കറിലാക്കി നന്നായി വേവിക്കുക.
∙പിന്നീട് കുക്കർ തുറന്നു പരിപ്പും തക്കാളിയും മെല്ലേ ഒന്ന് ഉടച്ചു കൊടുക്കണം.
∙ഇതിലേക്കു വാളൻപുളി പിഴിഞ്ഞതും മൂന്നാമത്തെ ചേരുവയും പാകത്തിന് ഉപ്പും ചേർത്തിളക്കി മൂടി വച്ചു തിളപ്പിക്കണം.
∙നന്നായി തിളച്ച ശേഷം അടുപ്പിൽ നിന്നു വാങ്ങുക.
∙എണ്ണ ചൂടാക്കി, അഞ്ചാമത്തെ ചേരുവ മൂപ്പിച്ചു കറിയിൽ ചേർത്തിളക്കണം.
∙മല്ലിയില കൊണ്ട് അലങ്കരിച്ചു വിളമ്പാം.
