ഹണി ബാർബിക്യൂ ചിക്കൻ
1.ചിക്കൻ – അരക്കിലോ, വലിയ കഷണങ്ങളാക്കി മുറിച്ചത്
2.വെളുത്തുള്ളി – നാല് അല്ലി, പൊടിയായി അരിഞ്ഞത്
കുരുമുളകുപൊടി – ഒരു ചെറിയ സ്പൂൺ
മുളകുപൊടി – രണ്ടു ചെറിയ സ്പൂൺ
ഉപ്പ് – പാകത്തിന്
ഒലിവ് ഓയിൽ – രണ്ടു ചെറിയ സ്പൂൺ
3.എണ്ണ – പാകത്തിന്
4.തേൻ – രണ്ടു വലിയ സ്പൂൺ
ബാർബിക്യൂ സോസ് – ഒന്നര വലിയ സ്പൂൺ
പാകം ചെയ്യുന്ന വിധം
∙ചിക്കൻ വൃത്തിയാക്കി വരഞ്ഞു വയ്ക്കുക.
∙ഒരു ചെറിയ ബൗളിൽ രണ്ടാമത്തെ ചേരുവ യോജിപ്പിച്ചു ചിക്കനിൽ പുരട്ടി അര മണിക്കൂർ വയ്ക്കണം.
∙പാനിൽ എണ്ണ ചൂടാക്കി ചിക്കൻ ഗ്രിൽ ചെയ്തു മാറ്റി വയ്ക്കുക.
∙ഇതേ പാനിൽ അൽപം കൂടി എണ്ണ ചൂടാക്കി നാലാമത്തെ ചേരുവ യോജിപ്പിച്ചതും ചേർത്തു തിളച്ചു വരുമ്പോൾ തയാറാക്കിയ ചിക്കനും ചേർത്തിളക്കണം.
∙ചിക്കനിൽ അരപ്പു പൊതിഞ്ഞിരിക്കുന്ന പരുവത്തിൽ വാങ്ങി ചൂടോടെ മയോണീസിനും സാലഡിനും ഒപ്പം വിളമ്പാം.
