1. മീൻ – അരക്കിലോ
2. മല്ലി – ഒരു വലിയ സ്പൂൺ
ജീരകം – കാൽ ചെറിയ സ്പൂൺ
3. കുരുമുളക് – അര ചെറിയ സ്പൂൺ
വെളുത്തുള്ളി – അഞ്ച് അല്ലി
ഇഞ്ചി – ഒരിഞ്ചു കഷണം
ചുവന്നുള്ളി – മൂന്ന്
പച്ചമുളക് – രണ്ട്
4. തക്കാളി – രണ്ട്
5. വാളൻപുളി – ഒരു നെല്ലിക്കാവലുപ്പം
6. എണ്ണ – ഒരു വലിയ സ്പൂൺ
7. ചുവന്നുള്ളി അരിഞ്ഞത് – ഒന്നര വലിയ സ്പൂൺ
8. മഞ്ഞൾപ്പൊടി – അര ചെറിയ സ്പൂൺ
കറിവേപ്പില – ഏതാനും തണ്ട്
9. ഉപ്പ് – പാകത്തിന്
പാകം െചയ്യുന്ന വിധം
∙ മീൻ കഷണങ്ങളാക്കി വയ്ക്കണം.
∙ മല്ലിയും ജീരകവും എണ്ണയില്ലാതെ വറുത്ത്, മൂന്നാമത്തെ ചേരുവ ചേർത്തു മയത്തിൽ അരയ്ക്കുക.
∙ തക്കാളി തിളച്ച വെള്ളത്തിലിട്ട് രണ്ടു മിനിറ്റിനു ശേഷം എടുത്തു തണുത്ത വെള്ളത്തിലിട്ടു തൊലി കളഞ്ഞ്, അരച്ച് അരിച്ചെടുക്കണം.
∙ വാളൻപുളി അൽപം വെള്ളത്തിൽ കുതിർത്ത ശേഷം പിഴിഞ്ഞെടുത്ത്, തയാറാക്കി വച്ചിരിക്കുന്ന അരപ്പിൽ ചേർത്തു നന്നായി ഇളക്കുക.
∙ ഇതിലേക്കു തക്കാളി അരച്ചതും ചേർത്തിളക്കി വയ്ക്കണം. ഇതാണ് മസാല മിശ്രിതം.
∙ പാനിൽ എണ്ണ ചൂടാക്കി, ചുവന്നുള്ളി വഴറ്റി ബ്രൗൺ നിറമാകുമ്പോൾ ചെറുതീയിലാക്കുക.
∙ ഇതിലേക്കു മസാല മിശ്രിതവും എട്ടാമത്തെ ചേരുവയും ചേർത്തു തിളപ്പിക്കണം.
∙ നന്നായി തിളയ്ക്കുമ്പോൾ ഉപ്പും മീൻ കഷണങ്ങളും ചേർത്തിളക്കി ചെറുതീയിൽ വച്ചു വേവിച്ചു വാങ്ങുക.
∙ ചൂടോടെ വിളമ്പാം.