1. വലിയ ഇനം നത്തോലി – ഒരു കിലോ
2. മഞ്ഞള്‍പ്പൊടി – ഒരു ചെറിയ സ്പൂണ്‍
മുളകുപൊടി – രണ്ടു ചെറിയ സ്പൂണ്‍
ഉപ്പ് – പാകത്തിന്
വെള്ളം – പാകത്തിന്
3. എണ്ണ – പാകത്തിന്
4. സവാള – ഒരു വലുത്, പൊടിയായി അരിഞ്ഞത്
പച്ചമുളക് – നാല്, അരിഞ്ഞത്
ഇഞ്ചി അരിഞ്ഞത് – രണ്ടു ചെറിയ സ്പൂണ്‍
കറിവേപ്പില – രണ്ടു തണ്ട്
5. ഉരുളക്കിഴങ്ങ് – മൂന്നു വലുത്, പുഴുങ്ങിപ്പൊടിച്ചത്
കുരുമുളകുപൊടിച്ചത് – രണ്ട്–മൂന്നു ചെറിയ സ്പൂണ്‍
6. മുട്ട – ഒന്ന്–രണ്ട്, അടിച്ചത്
കോണ്‍ഫ്ളോര്‍ – ഒന്ന്–രണ്ടു ചെറിയ സ്പൂണ്‍
7. റസ്ക് പൊടിച്ചത് – പാകത്തിന്
പാകം ചെയ്യുന്ന വിധം
∙ മീന്‍ കഴുകി വൃത്തിയാക്കി രണ്ടാമത്തെ ചേരുവ ചേര്‍ത്തു വേവിച്ചു മുള്ളു മാറ്റി ഉടച്ചു വയ്ക്കുക.
∙ പാനില്‍ എണ്ണ ചൂടാക്കി നാലാമത്തെ ചേരുവ വഴറ്റണം.
∙ തീ കുറച്ച ശേഷം മീനും ഉരുളക്കിഴങ്ങും കുരുമുളകുപൊടിയും ചേര്‍ത്തു നന്നായി യോജിപ്പിക്കുക. ഉപ്പു പാകത്തിനാക്കണം.
∙ മുട്ടയും കോണ്‍ഫ്ളോറും ചേര്‍ത്തടിച്ചു വയ്ക്കുക. മീന്‍ മിശ്രിതം ഇഷ്ടമുള്ള ആകൃതിയിലാക്കി മുട്ട അടിച്ചതില്‍ മുക്കി റസ്ക് പൊടിച്ചതില്‍ പൊതിഞ്ഞു ചൂടായ എണ്ണയില്‍ വറുത്തുകോരാം.
∙ സവാള വട്ടത്തിലരിഞ്ഞതിനും ടുമാറ്റോ സോസിനും ഒപ്പം വിളമ്പാം.
റെസിപ്പി: നിര്‍മല ലാല്‍ ജയകുമാര്‍, കവടിയാര്‍, തിരുവനന്തപുരം.
