സ്പഗറ്റി ട്രാപ്പനീസ് സ്റ്റൈൽ
1.സ്പഗറ്റി – 450 ഗ്രാം
2.ബദാം – 150 ഗ്രാം
3.വെളുത്തുള്ളി – ഒരു അല്ലി, ചതച്ചത്
രാമതുളസിയില – നാലു വലിയ പിടി, ചതച്ചത്
4.പാർമെസൻ ചീസ് ഗ്രേറ്റ് ചെയ്തത് – 150 ഗ്രാം
5.എക്സ്ട്രാ വെർജിൻ ഒലിവ് ഓയിൽ – പാകത്തിന്
ഉപ്പ്, കുരുമുളകു പൊടിച്ചത് – പാകത്തിന്
6.തക്കാളി – 600 ഗ്രാം, ഓരോന്നും രണ്ടാക്കിയത്
പാകം ചെയ്യുന്ന വിധം
സ്പഗറ്റി ഉപ്പിട്ടു തിളപ്പിച്ച വെള്ളത്തിലിട്ടു വേവിച്ച് ഊറ്റിവയ്ക്കുക.
ഒരു പാനിൽ ബദാം ചേർത്ത് എണ്ണയില്ലാതെ വറുത്തശേഷം തരുതരുപ്പായി പൊടിച്ചു വയ്ക്കണം.
പൊടിച്ച ബദാം ഒരു ബൗളിലാക്കി ചതച്ചുവച്ച മൂന്നാമത്തെ ചേരുവ ചേർക്കുക. ചീസും ചേർത്തു നന്നായി യോജിപ്പിച്ചശേഷം അഞ്ചാമത്തെ ചേരുവയും ചേർത്തിളക്കുക.
ഇതിലേക്കു തക്കാളി ചേർത്തു കൈകൊണ്ടു ഞരടി യോജിപ്പിക്കണം. അല്പം ഒലിവ് ഓയിൽ കൂടി ചേർത്തിളക്കിയശേഷം വേവിച്ചൂറ്റിയ പാസ്തയിൽ ചേർത്തിളക്കി യോജിപ്പിച്ചു വിളമ്പാം.