മീൻ മുരിങ്ങക്ക കറി
1.മൂൻ – അരക്കിലോ, കഷണങ്ങളാക്കിയത്
2.മുളകുപൊടി – രണ്ടു ചെറിയ സ്പൂൺ
മഞ്ഞൾപ്പൊടി – കാൽ ചെറിയ സ്പൂൺ
മല്ലിപ്പൊടി – ഒരു ചെറിയ സ്പൂൺ
3.തേങ്ങ ചുരണ്ടിയത് – അര മുറി
ചുവന്നുള്ളി – നാല്
പുളി – ഒരു ചെറിയ ഉരുള
4.എണ്ണ – പാകത്തിന്
5.കടുക് – ഒരു ചെറിയ സ്പൂൺ
6.ഉലുവ – കാൽ ചെറിയ സ്പൂൺ
വറ്റൽമുളക് – രണ്ട്
7.പച്ചമുളക് – മൂന്ന്
8.തക്കാളി – ഒന്ന്
9.മുരിങ്ങക്ക – രണ്ടെണ്ണം
കറിവേപ്പില – പാകത്തിന്
പാകം ചെയ്യുന്ന വിധം
∙ഒരു പാത്രത്തിൽ മുളകുപൊടി, മഞ്ഞൾപ്പൊടി, മല്ലിപ്പൊടി എന്നിവ എണ്ണയില്ലാതെ മെല്ലേ ചൂടാക്കുക.
∙ഇതിലേക്ക് ചുവന്നുള്ളി, തേങ്ങ, പുളി എന്നിവ ചേർത്ത് ഇളക്കിയ ശേഷം നന്നായി അരച്ചെടുക്കുക.
∙ചട്ടി ചൂടാക്കി എണ്ണയൊഴിച്ച് കടുക് പൊട്ടിക്കുക.
∙ഇതിലേക്ക് ഉലുവ, വറ്റൽമുളക് എന്നിവ ചേർത്തു മൂപ്പിച്ചശേഷം പച്ചമുളക് രണ്ടായി കീറിയത് ചേർക്കുക.
∙തക്കാളഇ നീളത്തിൽ അരിഞ്ഞതു ചേർത്ത് വഴറ്റുക.
∙മുരിങ്ങക്ക കഷണങ്ങളാക്കിയതും കറിവേപ്പിലയും ചേർത്തു വഴറ്റുക.
∙ഇതിലേക്ക് അരപ്പും അൽപം വെള്ളവും ചേർത്ത് ഉപ്പ് പാകത്തിനാക്കുക.
∙തിളച്ചു വരുമ്പോൾ മീൻ കഷണങ്ങൾ ചേർത്ത് അടച്ചു വച്ചു വേവിക്കുക.
