ബീഫ് വരട്ടിയത്
1.ബീഫ് – ഒരു കിലോ
2.മഞ്ഞൾപ്പൊടി – അര ചെറിയ സ്പൂൺ
കശ്മീരി മുളകുപൊടി – മൂന്നു വലിയ സ്പൂൺ
മുളകുപൊടി – ഒരു ചെറിയ സ്പൂൺ
മല്ലിപ്പൊടി – മൂന്നു വലിയ സ്പൂൺ
പെരുംജീരകം – ഒന്നര ചെറിയ സ്പൂൺ
തക്കോലം – ഒന്ന്
കുരുമുളക് – ഒരു വലിയ സ്പൂൺ
ഏലയ്ക്ക – അഞ്ച്
കറുവാപ്പട്ട – ഒരു ചെറിയ കഷണം
3.വെളിച്ചെണ്ണ – രണ്ടു വലിയ സ്പൂൺ
4.ഇഞ്ചി നീളത്തിൽ അരിഞ്ഞത് – രണ്ടു വലിയ സ്പൂൺ
വെളുത്തുള്ളി നാളത്തിൽ അരിഞ്ഞത് – രണ്ടു വലിയ സ്പൂൺ
തേങ്ങാക്കൊത്ത് – അരക്കപ്പ്
കറിവേപ്പില – രണ്ടു തണ്ട്
വറ്റൽമുളക് – രണ്ട്
5.ചുവന്നുള്ളി അരിഞ്ഞത് – ഒന്നരക്കപ്പ്
പാകം ചെയ്യുന്ന വിധം
∙ബീഫ് കഴുകി വൃത്തിയാക്കു കഷണങ്ങളാക്കി വയ്ക്കുക.
∙രണ്ടാമത്തെ ചേരുവ മിക്സിയിൽ നന്നായി അരച്ചു ബീഫിൽ പുരട്ടി കുക്കറിൽ വേവിച്ചു വയ്ക്കുക.
∙പാനിൽ വെളിച്ചെണ്ണ ചൂടാക്കി നാലാമത്തെ ചേരുവ വഴറ്റണം.
∙പച്ചമണം മാറുമ്പോൾ ചുവന്നുള്ളി ചേർത്തു വഴറ്റുക.
∙കണ്ണാടിപ്പരുവമാകുമ്പോള്‍ വേവിച്ചു വച്ചിരിക്കുന്ന ബീഫ് അരപ്പോടു കൂടി ചേർത്തിളക്കണം.
∙തീ കുറച്ചു വച്ച് നന്നായി ഇളക്കി വരട്ടിയെടുക്കുക.
∙കറിവേപ്പില വിതറി വിളമ്പാം.
