തലശ്ശേരി വെജിറ്റബിൾ കുറുമ
1.തേങ്ങാ – ഒന്ന്, ചുരണ്ടിയത്
പച്ചമുളക് – രണ്ട്
ഇഞ്ചി–വെളുത്തുള്ളി പേസ്റ്റ് – രണ്ടു ചെറിയ സ്പൂൺ
പെരുംജീരകം – 20 ഗ്രാം
2.ഉരുളക്കിഴങ്ങ്, കാരറ്റ്, ബീൻസ് – 50 ഗ്രാം, ഇടത്തരം വലുപ്പത്തില് കഷണങ്ങളാക്കിയത്
ഗ്രീൻപീസ് – 30 ഗ്രാം
3.എണ്ണ – 20 മില്ലി
4.കറിവേപ്പില – 10 ഗ്രാം
സവാള – 50 ഗ്രാം
5.മല്ലിയില – അലങ്കരിക്കാൻ
പാകം ചെയ്യുന്ന വിധം
∙ഒന്നാമത്തെ ചേരുവ മയത്തിൽ അരച്ചു വയ്ക്കണം.
∙പച്ചക്കറികൾ അൽപം വെള്ളവും ഉപ്പും ചേർത്തു പ്രഷർ കുക്കറിലാക്കി വേവിക്കണം. പച്ചക്കറികൾ വെന്തുടയരുത്.
∙പാനിൽ എണ്ണ ചൂടാക്കി കറിവേപ്പിലയും സവാളയും വഴറ്റുക. സവാള കണ്ണാടിപ്പരുവമാകുമ്പോൾ വേവിച്ചു വച്ചിരിക്കുന്ന പച്ചക്കറികളും പാകത്തിനുപ്പും വെള്ളവും ചേർത്ത് അഞ്ചു മിനിറ്റ് വേവിക്കണം. വെള്ളം അധികമാകരുത്.
∙ഇതിലേക്ക് അരച്ചു വച്ചിരിക്കുന്ന മിശ്രിതം ചേർത്ത് അഞ്ച്–ആറു മിനിറ്റ് വഴറ്റുക. പച്ചമണം മാറണം.
∙കുറുമ കുറുകിയിരിക്കുന്ന പാകത്തിനു വാങ്ങി മല്ലിയില കൊണ്ട് അലങ്കരിച്ചു ചൂടോടെ വിളമ്പാം.