Tuesday 14 September 2021 01:01 PM IST : By സ്വന്തം ലേഖകൻ

‘തീറ്റ കുറച്ചാൽ വണ്ണം കുറയും എന്ന് ഉപദേശിക്കുന്നവർ, എന്തറിഞ്ഞിട്ടാണ്’: ബോഡിഷെയ്മിങ്ങിന് ബോൾഡായി മറുപടി

indhuja-body-shaming

വ്യക്തിത്വം കുടിയിരിക്കുന്നത് രൂപത്തിലല്ല മനസിലാണെന്ന് ഒരിക്കൽ കൂടി അടിവരയിട്ടു പറയുകയാണ് മോഡൽ കൂടിയായ ഇന്ദുജ പ്രകാശ്. തടിയുടെ പേരിൽ തനിക്ക് മുന്നിൽ പരിഹാസവും ഉപദേശവും ഒരുപോലെ വിളമ്പുന്നവർക്കുള്ള മറുപടിയാണ് ഇന്ദുജയുടെ ജീവിതം. പരിഹാസങ്ങളെ പടിക്കു പുറത്തു നിർത്തി തന്റെ സ്വപ്നങ്ങള്‍ സ്വന്തമാക്കിയ ഇന്ദുജയെ വനിത ഓൺലൈൻ സോഷ്യൽ മീഡിയക്ക് പരിചയപ്പെടുത്തിയിട്ടുമുണ്ട്. ഇപ്പോഴിതാ ഇന്ദുജ സമൂഹ മാധ്യമ കൂട്ടായ്മയായ വേൾഡ് മലയാളി സർക്കിളിൽ പങ്കുവച്ച കുറിപ്പും ശ്രദ്ധേയമാകുകയാണ്. തീറ്റ കുറച്ചാൽ വണ്ണം കുറയും എന്നു പറയുന്നവർക്ക് കുറിക്കു കൊള്ളുന്ന മറുപടിയും ഇന്ദുജയുടെ കുറിപ്പിലുണ്ട്.

ഫെയ്സ്ബുക്ക് കുറിപ്പ് വായിക്കാം:

അഴകിന്റെ അളവുകോല്‍ തെറ്റിച്ചവള്‍! 108 കിലോ ഭാരമുള്ള പ്ലസ് സൈസ് മോഡല്‍; ആ വൈറല്‍ വേട്ടക്കാരി ഇവിടെയുണ്ട്; ചിത്രങ്ങള്‍

108 kg ഉണ്ട് കൊച്ചിക്കാരിയാണ് തടി എന്നെ ഇന്നുവരെ എനിക്ക് ഒരു ബുദ്ധിമുട്ടും ഉണ്ടക്കട്ടില്ല പക്ഷേ കാണുന്നവർക്ക് വലിയയൊരു ബുദ്ധിമുട്ടാണ്. എന്ത് കൊണ്ടാണ് എന്ന് എനിക്ക് മനസിലായിട്ടില്ല തമാശയിലെ ഡയലോഗ് പോലെ ഒരു പരിജയം ഇല്ലാത്തവർ വരെ മോളെ ചെറു തേൻ കുടിച്ചാൽ മതി വണ്ണം കുറയും ഭക്ഷണം കഴിക്കുന്നത് കുറക്കു എന്നൊക്കെ സത്യത്തിൽ 3ഇഡലി ഇല്ലേ എറിപോയാൽ 4ഇഡലി അതിൽ കൂടതൽ ഞാൻ കഴിക്കാറില്ല എന്നിട്ടും ഈ ഭക്ഷണം കഴിച്ചിട്ടാണ് വണ്ണം വയ്ക്കുന്നനത് എന്നു പറയുന്നവരോട് ജനറ്റിക് പരമായും ഹോർമോൺ പരമായും വണ്ണം വെക്കാൻ സാധ്യതയുണ്ട് ഇതൊന്നും തന്നെ മനസ്സിലാക്കാതെ തീറ്റ കുറച്ചാൽ വണ്ണം കുറയും എന്നു പറയുന്നവരോട് ഒന്ന് ചോദിച്ചോട്ടെ വണ്ണമുള്ള വ്യക്തികൾക്ക് ഇല്ലാത്ത ബുദ്ധിമുട്ടുകൾ എന്തിനാണ് നിങ്ങൾക്ക് വീട്ടിലെ അമ്മക്കോ പെങ്ങമ്മാർക്കോ സുഖമാണോ എന്ന് പോലും ചോദിക്കാത്ത നിങ്ങളാണോ ഞങ്ങളെപ്പോലുള്ള അവരുടെ ആരോഗ്യം നോക്കുന്നത് എന്തിന്റെ അടിസ്ഥാനത്തിൽ ആണെന്ന് മനസിലായിട്ടില്ല???

ഉത്തരം കിട്ടും എന്ന പ്രതീക്ഷയോടെ

ഇന്ദുജ പ്രകാശ്