ഈസി സ്‌റ്റീംഡ് പുഡിങ്
1.ഈന്തപ്പഴം അരിഞ്ഞത് – അരക്കപ്പ്
കുരുവില്ലാത്ത ഉണക്കമുന്തിരി അരിഞ്ഞത് – അരക്കപ്പ്
2.പഞ്ചസാര – ഒരു വലിയ സ്പൂൺ
വെണ്ണ – ഒരു വലിയ സ്പൂൺ
തിളച്ചുകൊണ്ടിരിക്കുന്ന വെള്ളം – അരക്കപ്പ്
3.മൈദ – ഒരു കപ്പ്
ബേക്കിങ് പൗഡർ – ഒരു ചെറിയ സ്പൂൺ
ബേക്കിങ് സോഡ – ഒരു ചെറിയ സ്പൂൺ
4.പാൽ – ഒരു കപ്പ്
5.മുട്ട് – ഒന്ന്
കോൺഫ്ളവർ – ഒരു ചെറിയ സ്പൂൺ
പഞ്ചസാര – ഒന്നര വലിയ സ്പൂൺ
6.ഉപ്പ് – ഒരു നുള്ള്
വനില എസ്സൻസ് – കാൽ ചെറിയ സ്പൂൺ
പാകം ചെയ്യുന്ന വിധം
∙ഒന്നാമത്തെ ചേരുവ ഒരു പാത്രത്തിലാക്കി, അതിലേക്കു രണ്ടാമത്തെ ചേരുവ ചേർത്തിളക്കുക.
∙ഇതിലേക്കു മൂന്നാമത്തെ ചേരുവ ഇടഞ്ഞു ചേർത്തശേഷം എല്ലാ ചേരുവകളും നന്നായി യോജിപ്പിക്കുക.
∙ഇനി ഈ പാത്രം ബട്ടർ പേപ്പർകൊണ്ടു മൂടി, (കെട്ടരുത്) ആവിയിൽ ഒന്നര മണിക്കൂർ വേവിക്കുക. ഇതു കസ്‌റ്റേർഡിനൊപ്പം വിളമ്പാം.
∙കസ്‌റ്റേർഡ് തയാറാക്കാൻ, ആദ്യം പാൽ തിളപ്പിക്കുക.
∙അഞ്ചാമത്തെ ചേരുവ യോജിപ്പിച്ച് അടിക്കുക. ഇതിലേക്കി ചൂടുപാൽ നന്നായി അടിച്ചുകൊണ്ടു ചേർക്കുക.
∙ഈ പാത്രം തിളച്ചുകൊണ്ടിരിക്കുന്ന വെള്ളത്തിൽ ഇറക്കിവച്ച്, നന്നായി ഇളക്കി കുറുക്കുക.
∙സ്പൂണിന്റെ പുറകിൽ ഒട്ടിപ്പിടിക്കുന്ന പരുവത്തിൽ വാങ്ങി ചൂടാറിയശേഷം ഉപ്പും എസ്സൻസും ചേർത്തിളക്കാം. ആവശ്യമെങ്കിൽ അരിച്ചെടുക്കാം.
