കൂന്തൽ റോസ്റ്റ്
1.കൂന്തൽ – അരക്കിലോ
2.വെളിച്ചെണ്ണ – രണ്ടു വലിയ സ്പൂൺ
3.ചുവന്നുള്ളി, അരിഞ്ഞത് – ഒരു കപ്പ്
4.പച്ചമുളക് – രണ്ട്, അരിഞ്ഞത്
ഇഞ്ചി, അരിഞ്ഞത് – രണ്ടു വലിയ സ്പൂൺ
വെളുത്തുള്ളി, അരിഞ്ഞത് – രണ്ടു വലിയ സ്പൂൺ
5.കശ്മീരി മുളകുപൊടി – ഒന്നര വലിയ സ്പൂൺ
മല്ലിപ്പൊടി – ഒരു വലിയ സ്പൂൺ
പെരുംജീരകം പൊടി – ഒരു ചെറിയ സ്പൂൺ
ഗരംമസാലപ്പൊടി – ഒരു ചെറിയ സ്പൂൺ
മഞ്ഞൾപ്പൊടി – അര ചെറിയ സ്പൂൺ
6.തക്കാളി – രണ്ട്, അരിഞ്ഞത്
7.ചൂടുവെള്ളം – പാകത്തിന്
ഉപ്പ് – പാകത്തിന്
8.വെളിച്ചെണ്ണ – രണ്ടു വലിയ സ്പൂൺ
കറിവേപ്പില – രണ്ടു തണ്ട്
പാകം ചെയ്യുന്ന വിധം
∙കൂന്തൽ കഴുകി വൃത്തിയാക്കി കഷണങ്ങളാക്കി വയ്ക്കുക.
∙പാനിൽ എണ്ണ ചൂടാക്കി ചുവന്നുള്ളി അരിഞ്ഞതു ചേർത്തു വഴറ്റണം.
∙ബ്രൗൺ നിറമാകുമ്പോൾ നാലാമത്തെ ചേരുവ ചേർത്തു വഴറ്റണം.
∙അഞ്ചാമത്തെ ചേരുവയും ചേർത്തു വഴറ്റി പച്ചമണം മാറുമ്പോൾ തക്കാളി ചേർക്കണം.
∙ഇതിലേക്കു കൂന്തലും ഏഴാമത്തെ ചേരുവയും ചേർത്തിളക്കി മൂടി വച്ചു വേവിക്കുക.
∙മുക്കാൽ വേവാകുമ്പോൾ മൂടി തുറന്നു വെള്ളം വറ്റിവരുമ്പോൾ എട്ടാമത്തെ ചേരുവ ചേർത്തു നന്നായി വരട്ടിയെടുക്കുക.