ചിക്കൻ വറുത്തരച്ച കറി
1.ചിക്കൻ – ഒരു കിലോ
2.വെളിച്ചെണ്ണ – രണ്ടു വലിയ സ്പൂൺ
3.സവാള – രണ്ടു വലുത്
4.പച്ചമുളക് – രണ്ട്
ഇഞ്ചി വെളുത്തുള്ളി പേസ്‌റ്റ് – രണ്ടു വലിയ സ്പൂൺ
5.മഞ്ഞൾപ്പൊടി – അര ചെറിയ സ്പൂൺ
6.തക്കാളി – രണ്ട്
7.ഉപ്പ് – പാകത്തിന്
8.കറുവാപട്ട – ഒരു ചെറിയ കഷണം
ഗ്രാമ്പൂ – മൂന്ന്
ഏലയ്ക്ക – മൂന്ന്
പെരുംജീരകം – രണ്ടു ചെറിയ സ്പൂൺ
കുരുമുളക് – രണ്ടു ചെറിയ സ്പൂൺ
9.തേങ്ങ ചിരകിയത് – മുക്കാൽ കപ്പ്
ചുവന്നുള്ളി – ഏഴ്
10.കശ്മീരി മുളകുപൊടി – ഒരു വലിയ സ്പൂൺ
മല്ലിപ്പൊടി – രണ്ടു വലിയ സ്പൂൺ
11.ചൂടുവെള്ളം – പാകത്തിന്
12.വെളിച്ചെണ്ണ – ഒരു വലിയ സ്പൂൺ
13.വറ്റൽമുളക് – രണ്ട്
കറിവേപ്പില – രണ്ടു തണ്ട്
പാകം ചെയ്യുന്ന വിധം
∙വെളിച്ചെണ്ണ ചൂടാക്കി സവാള വഴറ്റുക.
∙ഇതിലേക്കു നാലാമത്തെ ചേരുവ ചേർത്തു വഴറ്റണം.
∙മഞ്ഞൾപ്പൊടി ചേർത്തു വഴറ്റി പച്ചമണം മാറുമ്പോൾ തക്കാളി ചേർത്തു വഴറ്റുക.
∙ഇതിലേക്കു ചിക്കനും പാകത്തിനുപ്പും ചേർത്തു മൂടിവച്ചു വേവിക്കണം.
∙പാൻ ചൂടാക്കി എട്ടാമത്തെ ചേരുവ ചേർത്തു വഴറ്റുക.
∙ഇതിലേക്കു ഒൻപതാമത്തെ ചേരുവ ചേർത്തു ബ്രൗൺ നിറമാകുന്നതു വരെ വറക്കുക.
∙തീ അണച്ചതിനു ശേഷം പത്താമത്തെ ചേരുവ ചേർത്തു വഴറ്റണം.
∙തണുത്തു കഴിയുമ്പോൾ മിക്സിയിൽ നന്നായി അരച്ചെടുത്തു ചിക്കനിൽ ചേർത്തു വേവിക്കുക.
∙വെളിച്ചെണ്ണ ചൂടാക്കി വറ്റൽമുളകും കറിവേപ്പിലയും മൂപ്പിച്ചു കറിയിൽ ചേർത്തു വിളമ്പാം.
