ചിക്കൻ ബ്രൗൺ സ്‌റ്റ്യൂ
1.ചിക്കൻ കഷണങ്ങളാക്കിയത് – 100 ഗ്രാം
2.വെളിച്ചെണ്ണ – രണ്ടു വലിയ സ്പൂൺ
3.കടുക് – ഒരു ചെറിയ സ്പൂൺ
4.സവാള – ഒന്ന്, പൊടിയായി അരിഞ്ഞത്
ഇഞ്ചി പൊടിയായി അരിഞ്ഞത് – ഒരു വലിയ സ്പൂൺ
വെളുത്തുള്ളി പൊടിയായി അരിഞ്ഞത് – ഒരു ചെറിയ സ്പൂൺ
പച്ചമുളക് – രണ്ട്, അറ്റം പിളർന്നത്
കറിവേപ്പില – രണ്ടു തണ്ട്
5.മുളകുപൊടി – അര ചെറിയ സ്പൂൺ
മല്ലിപ്പൊടി – അര ചെറിയ സ്പൂൺ
മഞ്ഞൾപ്പൊടി – കാൽ ചെറിയ സ്പൂൺ
ഗരംമസാലപ്പൊടി – അര ചെറിയ സ്പൂൺ
ഉപ്പ് – പാകത്തിന്
6.തേങ്ങ ചുരണ്ടി പിഴിഞ്ഞ
ഒന്നാം പാൽ – 50 മില്ലി
രണ്ടാം പാൽ – 50 മില്ലി
പാകം ചെയ്യുന്ന വിധം
∙എണ്ണ ചൂടാക്കി കടുകു പൊട്ടിച്ചശേഷം നാലാമത്തെ ചേരുവ ചേർത്തു വഴറ്റുക.
∙സവാള ബ്രൗൺ നിറമാകുമ്പോൾ അഞ്ചാമത്തെ ചേരുവ ചേർത്തിളക്കി മസാല മൂത്തമണം വരുമ്പോൾ ചിക്കൻ കഷണങ്ങൾ ചേർത്തിളക്കുക. ഇതിലേക്കു രണ്ടാം പാൽ ചേർത്തിളക്കി അടച്ചുവച്ചു വേവിക്കുക. ചിക്കൻ നന്നായി വെന്തശേഷം ഒന്നാം പാൽ ചേർത്തിളക്കി വാങ്ങുക.
∙ചൂടോടെ ഗോതമ്പു പറാത്തയ്ക്കൊപ്പം വിളമ്പാം.
