ചിക്കൻ ടിക്ക
1.കട്ടത്തൈര് – ഒരു വലിയ സ്പൂൺ
മഞ്ഞൾപ്പൊടി – അര ചെറിയ സ്പൂൺ
കാശ്മീരി മുളകുപൊടി – ഒരു ചെറിയ സ്പൂൺ
ഗരംമസാലപ്പൊടി – ഒരു ചെറിയ സ്പൂൺ
ജീരകംപൊടി – ഒരു ചെറിയ സ്പൂൺ
കസൂരിമേത്തി – ഒരു ചെറിയ സ്പൂൺ
ഇഞ്ചി–വെളുത്തുള്ളി പേസ്റ്റ് – ഒരു ചെറിയ സ്പൂൺ
ഉപ്പ് – പാകത്തിന്
2.ചിക്കൻ ചെറിയ കഷണങ്ങളായി മുറിച്ചത് – 250 ഗ്രാം
3.എണ്ണ – രണ്ടു വലിയ സ്പൂൺ
4.വെണ്ണ – ഒരു വലിയ സ്പൂൺ
മല്ലിയില അരിഞ്ഞത് – രണ്ടു വലിയ സ്പൂൺ
പാകം ചെയ്യുന്ന വിധം
∙ഒന്നാമത്തെ ചേരുവ നന്നായി യോജിപ്പിക്കുക.
∙ഇതിലേക്ക് ചിക്കനും എണ്ണയും ചേർത്തു നന്നായി യോജിപ്പിച്ച് അരമണിക്കൂർ വയ്ക്കണം.
∙ഇത് ചൂടായ തവയിൽ ഗ്രിൽ ചെയ്തെടുക്കുക.
∙ഒരു പാത്രത്തിലേക്കു മാറ്റി നാലാമത്തെ ചേരുവ ചേർത്തു നന്നായി കുടഞ്ഞു യോജിപ്പിച്ചു വിളമ്പാം.