ക്രൻചി ഫിഷ്
1.മീൻ തൊലിയും മുള്ളും കളഞ്ഞത് – അരക്കിലോ
2.മൈദ – അൽപം
3.കോൺഫ്ളോർ – 50 ഗ്രാം
മൈദ – 50 ഗ്രാം
മുട്ട – ഒന്ന്, അടിച്ചത്
വെളുത്തുള്ളി അരച്ചത് – അര ചെറിയ സ്പൂൺ
കുരുമുളകുപൊടി – കാൽ ചെറിയ സ്പൂൺ
മുളകുപൊടി – കാൽ ചെറിയ സ്പൂൺ
ഉപ്പ് – പാകത്തിന്
4.തണുത്ത സോഡ – പാകത്തിന്
5.എണ്ണ – പാകത്തിന്
6.ഉരുളക്കിഴങ്ങു വറുത്തത് – അലങ്കരിക്കാൻ
പാകം ചെയ്യുന്ന വിധം
∙മീന് കഴുകി വൃത്തിയാക്കി, തുടച്ചുണക്കണം. ഇതിൽ അൽപം മൈദ തൂവി വയ്ക്കുക.
∙മൂന്നാമത്തെ ചേരുവ നന്നായി യോജിപ്പിച്ച ശേഷം ഇതിൽ പാകത്തിന് തണുത്ത സോഡ ചേർത്തു കുറുകെ കലക്കി മാവു തയാറാക്കുക.
∙മീൻ കഷണങ്ങൾ ഓരോന്നായി ഈ മാവിൽ മുക്കി, ചൂടായ എണ്ണയിൽ വറുത്തു കോരുക.
∙ചൂടോടെ ഉരുളക്കിഴങ്ങിനും സോസിനും ഒപ്പം വിളമ്പാം.
