ഇറച്ചിപ്പത്തിരി
1.ബിഫ് – അരക്കിലോ, ചെറിയ കഷണങ്ങളാക്കിയത്
2.മഞ്ഞൾപ്പൊടി – കാൽ ചെറഇയ സ്പൂൺ
മുളകുപൊടി – കാല്‍ ചെറിയ സ്പൺ
മല്ലിപ്പൊടി – കാൽ ചെറിയ സ്പൂൺ
ഉപ്പ് – പാകത്തിന്
3.വെളിച്ചെണ്ണ – പാകത്തിന്
4.സവാള – അഞ്ച്, പൊടിയായി അരിഞ്ഞത്
പച്ചമുളക് – നാല്, പൊടിയായി അരിഞ്ഞത്
കറിവേപ്പില – ഒരു തണ്ട്
ഇഞ്ചി – ഒരു ചെറിയ കഷണം, പൊടിയായി അരിഞ്ഞത്
വെളഉത്തുള്ളി – അഞ്ച് അല്ലി, പൊടിയായി അരിഞ്ഞത്
5.മുളകുപൊടി – കാൽ ചെറിയ സ്പൂൺ
കുരുമുളകുപൊടി – കാൽ ചെറിയ സ്പൂൺ
ഗരംമസാലപ്പൊടി – കാൽ ചെറിയ സ്പൂൺ
മഞ്ഞൾപ്പൊടി – അര ചെറിയ സ്പൂൺ
ഉപ്പ് – പാകത്തിന്
6.മൈദ – മൂന്നു കപ്പ്
ഉപ്പ് – പാകത്തിന്
നെയ്യ് – ഒരു വലിയ സ്പൂൺ
7.മുട്ട പുഴുങ്ങിയത് – നാല്, ഓരോന്നും നാലാക്കിയത്
8.എണ്ണ – വറുക്കാൻ ആവശ്യത്തിന്
പാകം ചെയ്യുന്ന വിധം
∙ബീഫ് ചെറിയ കഷണങ്ങളാക്കി രണ്ടാമത്തെ ചേരുവ ചേർത്തു വേവിച്ചു മിക്സിയിൽ ചതച്ചെടുക്കണം.
∙വെളിച്ചെണ്ണ ചൂടാക്കി നാലാമത്തെ ചേരുവ വഴറ്റിയശേഷം അഞ്ചാമത്തെ ചേരുവ ചേർത്തിളക്കുക.
∙മസാല മണം വരുമ്പോൾ ചതച്ചു വച്ചിരിക്കുന്ന ഇറച്ചി ചേർത്തിളക്കി വാങ്ങി വയ്ക്കുക.
∙ആറാമത്തെ ചേരുവ യോജിപ്പിച്ചു ചപ്പാത്തിപ്പരുവത്തിൽ നന്നായി കുഴച്ചശേഷം ചെറിയ ഉരുളകളാക്കി വയ്ക്കണം.
∙ഓരോ ഉരുളയും പൂരി വലുപ്പത്തിൽ പരത്തി, നടുഭാഗത്ത് ഒരു മുട്ടക്കഷണം വച്ച് ഇതിനു മുകളിൽ തയാറാക്കിയ ഇറച്ചിക്കൂട്ട് അൽപം വച്ച് അതിനു മുകളിൽ മറ്റൊരു പൂരി വച്ച് അരികു പിരിച്ചു വയ്ക്കുക.
∙ചൂടായ എണ്ണയിൽ വറുത്തു കോരി ചൂടോടെ വിളമ്പാം.
