കൊഞ്ചു പൊള്ളിച്ചത്
1. കൊഞ്ച് - അരക്കിലോ
2. വെളിച്ചെണ്ണ - കാൽ കിലോ
3. കറിവേപ്പില - മൂന്നു തണ്ട്
4. ഇഞ്ചി - ആരയിഞ്ചു കഷണം
പച്ചമുളക് - രണ്ട്
വെളുത്തുള്ളി ചതച്ചത് - രണ്ടു ചെറിയ സ്പൂൺ
5. സവാള പൊടിയായി അരിഞ്ഞത് - അരക്കപ്പ്
ഉപ്പ് - പാകത്തിന്
6. തക്കാളി - മൂന്ന്, പൊടിയായി അരിഞ്ഞത്
7. മുളകുപൊടി - രണ്ടു വലിയ സ്പൂൺ
മല്ലിപ്പൊടി - ഒരു ചെറിയ സ്പൂൺ
ഇഞ്ചി - അരയിഞ്ചു കഷണം
വെളുത്തുള്ളി അരിഞ്ഞത് - ഒരു വലിയ സ്പൂൺ
മഞ്ഞൾപ്പൊടി - ഒരു ചെറിയ സ്പൂൺ
കുരുമുളകുപൊടി - ഒരു ചെറിയ സ്പൂൺ
ഉപ്പ് - പാകത്തിന്
കറുവാപ്പട്ട - കാൽ ഇഞ്ചു കഷണം
പെരുംജീരകം - ഒരു ചെറിയ സ്പൂൺ
ഏലയ്ക്ക - മൂന്ന്
ഗ്രാമ്പൂ - നാല്
വിനാഗിരി - ഒരു വലിയ സ്പൂൺ
പാകം ചെയ്യുന്ന വിധം
∙ കൊഞ്ചു തൊണ്ടും ഞരമ്പും കളഞ്ഞു കഴുകി വൃത്തിയാക്കി വയ്ക്കുക.
∙ എണ്ണ ചൂടാക്കി കറിവേപ്പില മൂപ്പിച്ച ശേഷം നാലാമത്തെ ചേരുവ ചേർത്തു വഴറ്റുക.
∙ നന്നായി വഴന്ന ശേഷം സവാളയും ഉപ്പും ചേർത്തു വഴറ്റണം. ഇതിലേക്ക് തക്കാളി പൊടിയായി അരിഞ്ഞതും ചേർത്തിളക്കി നന്നായി ഇളക്കണം.
∙ തക്കാളി നന്നായി വഴന്ന ശേഷം ഏഴാമത്തെ ചേരുവ മയത്തിൽ അരച്ചു പേസ്റ്റ് പോലെയാ ക്കിയതും ചേർത്തു വഴറ്റുക.
∙ എണ്ണ തെളിയുമ്പോൾ കൊഞ്ചു ചേർത്തിളക്കി ചൂടാകുമ്പോൾ അടച്ചു വച്ചു വേവിക്കണം.
∙ വെന്തശേഷം അൽപം കറിവേപ്പില കൂടി ചേർത്ത് അരപ്പു പൊതിഞ്ഞിരിക്കുന്ന പരുവത്തിൽ വാങ്ങി വിളമ്പാം.
∙ തേങ്ങ ചുരണ്ടി പിഴിഞ്ഞെടുത്ത രണ്ടു വലിയ സ്പൂൺ ഒന്നാംപാൽ കൂടെ ചേർത്താൽ കൂടുതൽ രുചിയുണ്ടാകും.
