തമ്പുരാൻ കോഴി
1.നാടൻ കോഴി – ഒരു കിലോ
2.എണ്ണ – രണ്ടു വലിയ സ്പൂൺ
3.ഗ്രാമ്പൂ – ആറെണ്ണം
ഏലയ്ക്ക – നാലെണ്ണം
കറുവാപ്പട്ട – രണ്ട് കഷണം
ജീരകം – അര ചെറിയ സ്പൂൺ
4.സവാള – നാല്, അരിഞ്ഞത്
ഇഞ്ചി, വെളുത്തുള്ളി പേസ്‌റ്റ് – ഒന്നര ചെറിയ സ്പൂൺ
5.പച്ചമുളക് – നാല്, അരിഞ്ഞത്
6.തക്കാളി – ഒന്ന്, അരിഞ്ഞത്
കറിവേപ്പില – പാകത്തിന്
7.മഞ്ഞൾപ്പൊടി – അര ചെറിയ സ്പൂൺ
മുളകുപൊടി – നാലു ചെറിയ സ്പൂൺ
മല്ലിപ്പൊടി – രണ്ടു ചെറിയ സ്പൂൺ
കുരുമുളകുപൊടി – ഒരു ചെറിയ സ്പൂൺ
ഉപ്പ് – പാകത്തിന്
8.തേങ്ങാപ്പാൽ – ഒരു കപ്പ്
9.കറിവേപ്പില, മല്ലിയില – അൽപം
പാകം ചെയ്യുന്ന വിധം
∙ഒരു പാത്രത്തിൽ എണ്ണയൊഴിച്ച് ചൂടാക്കുക.
∙ഗ്രാമ്പൂ, കറുവാപ്പട്ട, ഏലയ്ക്ക, ജീരകം എന്നിവ മൂപ്പിക്കുക.
∙ഇതിലേക്ക് സവാള അരിഞ്ഞതും ഇഞ്ചി വെളുത്തുള്ളി പേസ്‌റ്റും ചേർത്ത് വഴറ്റുക.
∙പച്ചമുളക് അരിഞ്ഞതു ചേർക്കുക.
∙തക്കാളി കുറച്ച് കറിവേപ്പില എന്നിവ ചേർത്ത് എണ്ണ തെളിയും വരെ വഴറ്റുക.
∙ഇതിലേക്കു പൊടികളും ഉപ്പും ചേർക്കുക.
∙മസാല നന്നായി മൂത്തു വരുമ്പോൾ കോഴി കഷണങ്ങൾ ചേർത്തിളക്കുക.
∙അരക്കപ്പ് വെള്ളമൊഴിച്ച് നന്നായി വെന്തുവരുമ്പോൾ തേങ്ങാപ്പാൽ ചേർക്കാം.
∙വറ്റി വരുമ്പോൾ മല്ലിയിലയും കറിവേപ്പിലയും ചേർത്തു മൊരിച്ചെടുക്കുക.
