പഞ്ചസാരയും പാലും വേണ്ട, തീ പോലും കത്തിക്കാതെ കിടിലൻ ഡിസേർട്ട്!
വെറും നാലു ചേരുവകൾ കൊണ്ട് തീ പോലും കത്തിക്കാതെ കിടിലൻ ഡിസേർട്ട് ഉണ്ടാക്കാം...
ചേരുവകൾ
1.മാങ്ങ – ഒന്ന്
2.സബ്ജ സീഡ്സ് - നാല് ടേബിൾ സ്പൂൺ
3.തേങ്ങപാൽ - മൂന്ന് കപ്പ്
4.തേൻ - രണ്ട് ടേബിൾ സ്പൂൺ
തയാറാക്കുന്ന വിധം
∙മൂന്ന് കപ്പ് തേങ്ങപാലിലേക്ക് സബ്ജ സീഡ്സ് ഇട്ടതിനുശേഷം നന്നായി ഇളക്കി യോജിപ്പിച്ച് 15 മിനിറ്റ് മാറ്റിവെക്കാം.
∙ശേഷം ഒരു മാങ്ങ ചെറുതാക്കി അരിഞ്ഞെടുക്കുക.
∙ഈ സമയം കൊണ്ട് സബ്ജ സീഡ്സ് നല്ല പോലെ കുതിരും. ഇതിലേക്ക് രണ്ടു ടേബിൾ സ്പൂൺ തേൻ കൂടി ഒഴിച്ച് നന്നായി ഇളക്കി യോജിപ്പിക്കുക.
∙അതിനുശേഷം ഒരു ഗ്ലാസ് എടുത്തിട്ട് അതിലേക്കു സബ്ജ സീഡ്സ് കുറച്ച് ഇട്ടുകൊടുക്കുക.
∙ശേഷം മാങ്ങ ഇടാം വീണ്ടും സബ്ജ സീഡ്സ് ഇട്ട് കൊടുക്കാം അങ്ങനെ ലെയറുകൾ ആക്കി ഗ്ലാസ് ഫില് ആക്കുക. രുചികരമായ ഡിസേർട്ട് റെഡി.