നടി അഞ്ജലി നായർക്ക് പെൺകുഞ്ഞ് പിറന്നു. സോഷ്യൽ മീഡിയയിലൂടെയാണ് താൻ രണ്ടാമതും അമ്മയായ വിവരം അഞ്ജലി പങ്കുവച്ചിരിക്കുന്നത്. ‘‘ജീവിതം അദ്ഭുതങ്ങൾ നിറഞ്ഞതാണ്, ഞങ്ങളുടെ കുടുംബത്തിലേക്കെത്തിയ പുതിയ അംഗത്തെപ്പോലെ, പെൺകുഞ്ഞാണ്, ഏവരുടേയും അനുഗ്രഹം വേണം’’.-അഞ്ജലി കുറിച്ചു.
സഹസംവിധായകനായ അജിത് രാജുവുമായി കഴിഞ്ഞ നവംബറിലായിരുന്നു അഞ്ജലിയുടെ വിവാഹം. ഇരുവരുടേയും രണ്ടാം വിവാഹമായിരുന്നു. ആഡ് ഫിലിംമേക്കറും തമിഴിലും മലയാളത്തിലും സഹസംവിധായകനായും പ്രവർത്തിക്കുന്ന ആളാണ് അജിത് രാജ്. സ്വതന്ത്ര സംവിധായകനാകാനുള്ള ഒരുക്കത്തിലുമാണ്.
വ്യത്യസ്തമായ അഭിനയ ശൈലിയിലൂടെയും കഥാപാത്രങ്ങളിലൂടെയും പ്രേക്ഷകർക്ക് സുപരിചിതയാണ് അഞ്ജലി. നിരവധി സിനിമകളിൽ അമ്മ വേഷങ്ങളിലും സഹനടിയായുമൊക്കെ തിളങ്ങിയ അഞ്ജലിയുടെ മൂത്തമകൾ അവ്നിയും അഭിനയരംഗത്ത് സജീവമാണ്.
1.
2.
