വിവാഹത്തിന് മുന്‍പുള്ള ദിവസങ്ങള്‍ ആഘോഷമാക്കി നടി ഗോപിക അനിൽ. താരത്തിന്റെ ബ്രൈഡ് ടു ബി ആഘോഷമാണ് ബന്ധുക്കളും സുഹൃത്തുക്കളും ചേര്‍ന്ന് ഗംഭീരമാക്കിയത്. ഗോപികയുടെ അനിയത്തിയും നടിയുമായ കീർത്തന അനിലാണ് ബ്രൈഡ് ടു ബി ആഘോഷ ചിത്രങ്ങൾ പങ്കുവച്ചത്. കേക്ക് മുറിച്ചും പാർട്ടി നടത്തിയുമാണ് ഗോപിക ബ്രൈഡ് ടു ബി ആഘോഷിച്ചത്.
സിൽവർ നിറത്തിലുള്ള ബോഡികോൺ ഷിമറി ഡ്രസാണ് ഗോപിക ധരിച്ചത്. ‘മൈ ഗേൾ.. എക്കാലത്തെയും സുന്ദരിയായ വധു.. കൗണ്ട്ഡൗൺ ഔദ്യോഗികമായി ഓണ്‍’’- എന്നാണ് കീർത്തന അനിൽ കുറിച്ചത്. നിരവധി പേരാണ് താരത്തിനു ആശംസകള്‍ നേർന്ന് എത്തിയത്. ജനുവരി 28 നാണ് ഗോവിന്ദ് പത്മസൂര്യയും ഗോപിക അനിലും വിവാഹിതരാകുന്നത്.
