മഴക്കാലത്തു ചൂടുചായയ്ക്ക് എന്തൊരു ഡിമാന്റാണല്ലേ.. അതിനെ കടത്തിവെട്ടി മിന്നൽ വേഗത്തിൽ വിറ്റുപോകുന്ന മനോഹരമായ മാസ്ക് ഡിസൈനുകൾ ആരുടെയും സൗന്ദര്യ ബോധം കീഴടക്കും. ട്രെൻഡിൽ ഏറ്റവും ഡിമാന്റുള്ള പത്തു ഫാഷൻ മാസ്കുകൾ പരിചയപ്പെടാം...
1. എംബ്രോയിഡറി മാസ്ക്
കോട്ടണിലും ലിനനിലും മനോഹരമായ എംബ്രോയ്ഡറികൾ, ഉപയോഗത്തിനോ കഴുകലിനോ ഒരു അസൗകര്യവും ഇല്ലാതെ തന്നെ.
2. കട്ട് വർക്ക് മാസ്ക്
സാരിയിലെ നിത്യഹരിത താരമായ കട്ട് വർക്ക് മാസ്കിലും റാണിയാണ്. രണ്ടോ മൂന്നോ ലയർ ഉള്ളതിനാൽ പുറം ലയർ കട്ട് വർക്ക് ചെയ്താലും അണുക്കളെ തടഞ്ഞു നിർത്താൻ ഉപകരിച്ചോളും.
3. ഹെയർ ബാൻഡ് പെയർ
ഹെയർ ബാൻഡോ മറ്റ് അക്സെസ്സറികളോ മാസ്കിനോട് മാച്ചിങ് ആക്കുന്ന ട്രെൻഡ്
4. ഫ്ലോറൽ പ്രിന്റ്
എല്ലാ ഫാഷൻ പീസുകളിലും ഉള്ളത് കൊണ്ട് ഫ്ലോറൽ ഡിസൈൻ മാസ്കിനെയും വെറുതേ വിടാൻ തയ്യാറല്ല.
5. ഓയിൽ ഫേസ് മാസ്ക്
നറുമണമുള്ള എസൻഷ്യൽ ഓയിൽ അകത്തെ ലയറിൽ സ്പ്രേ ചെയ്യാവുന്ന സുഗന്ധവാഹിനി മാസ്ക്. വിയർപ്പ് തങ്ങി നിന്ന് മുഷിയുന്നത് തടയാൻ ഉപകരിക്കും. ഈ ലേസ് ഡിസൈനുള്ള മാസ്കിൽ ഓയിൽ ലെയറും ഉണ്ട്.
6. ക്രോഷ്യേ മാസ്ക്
ആരോഗ്യപരമായി അത്ര നല്ലതല്ലെങ്കിലും ഇദ്ദേഹവും ഹിറ്റാണ്. കുട്ടികൾക്ക് വേണ്ടി പ്രത്യേക ക്യൂട്ട് അനിമൽ ഡിസൈനുകളുമുണ്ട്.
7. ഇയർ സേവർ മാസ്ക്
ചെവിയുടെ പുറകിൽ മാസ്ക് സ്ട്രാപ്പ് ഇറുകി വേദനയാകുന്നുണ്ടോ? നിങ്ങളെ രക്ഷിക്കാനുള്ള ഡിസൈനാണിത്. സ്ട്രാപ്പ് എക്സ്റ്റന്ററായോ, മാസ്കിന്റെ ഒരറ്റത്തു അറ്റാച്ച് ചെയ്ത രീതിയിലോ സ്ട്രാപ്പ് എക്സ്റ്റന്ററുകൾ ലഭിക്കും.
8. റഫിൾ മാസ്ക്
ഫെമിനിൻ ആയ അലങ്കാരങ്ങൾ പ്ലീറ്റുകൾ, റഫിൾ, ലേസ് എന്നിവ കൊണ്ട് അരികുകൾ അലങ്കരിക്കുന്ന ക്യൂട്ട് മാസ്കുകൾ
9. ആണുങ്ങൾക്ക് സോളിഡ് അല്ലെങ്കിൽ ചെക്സ്
10. കാർട്ടൂൺ, അനിമൽസ്, സൂപ്പർഹീറോ കിഡ്സ്
കുട്ടികളെ ആകർഷിക്കാൻ പല ക്യൂട്ടെസ്റ്റ് രൂപങ്ങളിലും മാസ്കുകൾ തയാർ.