Monday 19 July 2021 11:09 AM IST : By സ്വന്തം ലേഖകൻ

തേനൂറും പാൽ കേക്ക് ഇനി വീട്ടിൽ തയാറാക്കാം!

millk

പാൽ കേക്ക്

1.പഞ്ചസാര – അരക്കപ്പ്

വെള്ളം – ഒരു കപ്പ്

2.ഗോതമ്പുപൊടി – ഒന്നരക്കപ്പ്

3.മുട്ട – ഒന്ന്

നെയ്യ് – രണ്ടു വലിയ സ്പൂൺ

പഞ്ചസാര പൊടിച്ചത് – രണ്ടു വലിയ സ്പൂൺ

ബേക്കിങ് സോഡ – കാൽ ചെറിയ സ്പൂൺ

ഏലയ്ക്കപ്പൊടി – അര ചെറിയ സ്പൂൺ

പാൽപ്പൊടി – രണ്ടു വലിയ സ്പൂൺ

4.ചെറുചൂടുപാൽ – രണ്ടു വലിയ സ്പൂൺ

5.എണ്ണ – വറുക്കാൻ ആവശ്യത്തിന്

പാകം ചെയ്യുന്ന വിധം

∙ഒന്നാമത്തെ ചേരുവ യോജിപ്പിച്ച് തിളപ്പിച്ചു പാനി തയാറാക്കി വയ്ക്കുക.

∙ഗോതമ്പുപൊടി മൂന്നാമത്തെ ചേരുവ ചേർത്തു നന്നായി യോജിപ്പിക്കുക.

∙ഇതിലേക്കു ചെറുചൂടുപാൽ അല്പാല്പമായി ചേർത്തു ചപ്പാത്തി മാവു പരുവത്തിൽ കുഴച്ചെടുക്കുക.

∙ഇത് ഒരിഞ്ചു കനത്തിൽ പരത്തി ദീർഘചതുരാകൃതിയിൽ മുറിച്ച് എണ്ണയിൽ വറുത്തു കോരുക.

∙ഇവ ചെറുചൂടുള്ള പഞ്ചസാരപ്പാനിയിൽ 15 മിനിറ്റ് ഇട്ടുവച്ചതിനു ശേഷം വിളമ്പാം.