ചോക്ലേറ്റ് പുഡിങ് വിത്ത് ഓറഞ്ച് സോസ്
1.െജലറ്റിൻ – നാലു ചെറിയ സ്പൂൺ
2.പാൽ – ഒന്നരക്കപ്പ്
പഞ്ചസാര – കാൽ കപ്പ്
3.കൊക്കോ പൗഡർ – ഒന്നര വലിയ സ്പൂൺ
വനില എസ്സൻസ് – ഒരു ചെറിയ സ്പൂൺ
4.ഓറഞ്ച്നീര് – മൂന്ന് ഓറഞ്ചിന്റേത്
പഞ്ചസാര – മുക്കാൽ കപ്പ്
നാരങ്ങാനീര് – ഒന്നര വലിയ സ്പൂൺ
5.കശുവണ്ടിപ്പരിപ്പ്, ചെറി – അലങ്കരിക്കാൻ
പാകം ചെയ്യുന്ന വിധം
∙െജലറ്റിൻ അല്പം തണുത്ത വെള്ളത്തിൽ കുതിർത്തശേഷം ചൂടുവെള്ളത്തിൽ ഇറക്കിവച്ച് ഉരുക്കിയെടുക്കണം. ∙ചുവടുകട്ടിയുള്ള പാത്രത്തിൽ പാലും പഞ്ചസാരയും ചേർത്തു തിളപ്പിക്കുക.
∙ഇതിൽ കൊക്കോ പൗഡറും വനില എസ്സൻസും ചേർത്തു തുടരെയിളക്കി കുറുക്കണം. കുറുകുമ്പോൾ ജെലറ്റിൻ ഉരുക്കിയതും ചേർത്തു സെറ്റാകാൻ വയ്ക്കുക.
∙ഓറഞ്ചു സോസ് തയാറാക്കാൻ നാലാമത്തെ ചേരുവ ചുവടുകട്ടിയുള്ള പാത്രത്തിലാക്കി അടുപ്പിൽ വച്ചു തുടരെയിളക്കി കുറുക്കിയെടുക്കണം.
∙അടുപ്പിൽ നിന്നു വാങ്ങി ചൂടാറിയശേഷം ചോക്ലേറ്റ് പുഡിങ്ങിനു മുകളിൽ ഒഴിച്ചു തണുപ്പിക്കുക.
