ഡക്ക് വിന്താലു
1.താറാവിറച്ചി ഉപ്പും കുരുമുളകും ചേർത്തു വേവിച്ചത് – ഒരു കിലോ
2.കാശ്മീരി മുളകുപൊടി – മൂന്നു വലിയ സ്പൂൺ
ഇഞ്ചി അരച്ചത് – രണ്ടു ചെറിയ സ്പൂൺ
വെളുത്തുള്ളി അരച്ചത് – രണ്ടു ചെറിയ സ്പൂൺ
കടുക് – ഒരു ചെറിയ സ്പൂൺ
ജീരകം – ഒരു ചെറിയ സ്പൂൺ
ഉലുവ – അര ചെറിയ സ്പൂൺ
3.എണ്ണ – പാകത്തിന്
4.സവാള – മൂന്ന് ഇടത്തരം, പൊടിയായി അരിഞ്ഞത്
5.മഞ്ഞൾപ്പൊടി – അര ചെറിയ സ്പൂൺ
6.തക്കാളി – രണ്ടു വലുത്, പൊടിയായി അരിഞ്ഞത്
7.വിനാഗിരി – ഒരു വലിയ സ്പൂൺ
8.വെളുത്തുള്ളി അരിഞ്ഞത് – ഒരു ചെറിയ സ്പൂൺ
9.ഇഞ്ചി അരിഞ്ഞത് – ഒരു ചെറിയ സ്പൂൺ
10.പഞ്ചസാര – ഒരു ചെറിയ സ്പൂൺ
11.ഉപ്പ് – പാകത്തിന്
12.കറിവേപ്പില, മുട്ട – അലങ്കരിക്കാൻ
പാകം ചെയ്യുന്ന വിധം
∙രണ്ടാമത്തെ ചേരുവ അരച്ചു വയ്ക്കുക.
∙ഒരു പാനിൽ എണ്ണയൊഴിച്ച് കടുക് പൊട്ടിക്കുക.
∙സവാള അരിഞ്ഞത് മഞ്ഞൾപ്പൊടി ചേർത്തു വഴറ്റുക.
∙സവാള വഴന്നുവരുമ്പോൾ തക്കാളി ചേർത്തിളക്കുക.
∙തക്കാളി വെന്തുടയുന്ന പരുവത്തിൽ അരച്ചു വച്ച മസാല ചേർക്കുക.
∙മസാല മൂത്ത് എണ്ണ തെ‌ളിഞ്ഞു വരുമ്പോൾ വേവിച്ച വെള്ളത്തോടെ ഇറച്ചി ഇതിലേക്കിടുക.
∙ഇതിലേക്ക് വിനാഗിരി ഒഴിക്കുക.
∙പഞ്ചസാരയും പാകത്തിനുപ്പും ചേർക്കുക.
∙ഇഞ്ചിയരിഞ്ഞത് ചേർക്കുക.
∙വെളുത്തുള്ളി അരിഞ്ഞത് ചേർത്ത് നന്നായി തിളപ്പിച്ച് ചാറു കുറുകുമ്പോൾ അടുപ്പിൽ നിന്നു വാങ്ങാം.
