ഹോം മെയ്ഡ് ചോക്ലെറ്റ് തയാറാക്കുമ്പോൾ അറിയാൻ...
∙ ചോക്ലെറ്റ് ഉണ്ടാക്കാനായി മികച്ച കോംപൗണ്ട് തന്നെ തിരഞ്ഞെടുക്കുക. ചേരുവകളുടെ ഗുണമേന്മയാണ് ചോക്‌ലെറ്റിനു തിളക്കവും രുചിയും ടെക്സ്ചറും നൽകുന്നത്.
∙ ചോക്ലെറ്റ് മോൾഡും ടൂൾസും പാത്രവുമെല്ലാം കഴുകി ഉണങ്ങിയതായിരിക്കണം. ഈർപ്പം തെല്ലുമുണ്ടാകരുത്.
∙ കൊക്കോ ബട്ടർ ഉപയോഗിച്ചാൽ ചോക്‌ലെറ്റിനു നല്ല തിളക്കം കിട്ടും.
∙ ചോക്ലെറ്റ് തയാറാക്കുമ്പോൾ മിശ്രിതത്തിൽ ഒരു നുള്ള് ഉപ്പ് ഇടുന്നതു ഫ്ലേവർ കൂട്ടാൻ സഹായിക്കും.
∙ ചോക്ലെറ്റ് മോൾഡിലേക്ക് ഒഴിച്ചശേഷം നന്നായി ടാപ് ചെയ്യണം. ടാപ്പിങ് ശരിയായില്ലെങ്കിൽ ചെറിയ തുളകൾ വരാം.
∙ ഡീമോൾഡ് ചെയ്ത ചോക്ലെറ്റ് വായു തട്ടാതെ ഇരുണ്ട ഇടങ്ങളിൽ സൂക്ഷിക്കുക.
