മാങ്ങാക്കറി
1.പച്ചമാങ്ങാ – അരക്കിലോ
2.മഞ്ഞൾപ്പൊടി – കാൽ ചെറിയ സ്പൂൺ
ഉപ്പ് – പാകത്തിന്
3.മുളകുപൊടി – നാലു വലിയ സ്പൂൺ
ഉലുവാപ്പൊടി – കാൽ ചെറിയ സ്പൂൺ
കായംപൊടി – കാൽ ചെറിയ സ്പൂൺ
4.നല്ലെണ്ണ – അരക്കപ്പ്
5.കടുക് – അര ചെറിയ സ്പൂൺ
വറ്റൽമുളക് – മൂന്ന്
കറിവേപ്പില – രണ്ടു തണ്ട്
പച്ചമുളക് – രണ്ട്, അരിഞ്ഞത്
6.തിളപ്പിച്ച് ആറിയ വെള്ളം – പാകത്തിന്
പാകം ചെയ്യുന്ന വിധം
∙പച്ചമാങ്ങാ കനം കുറച്ചു നീളത്തിൽ അരിഞ്ഞ്, ഉപ്പും മഞ്ഞൾപ്പൊടിയും ചേർത്തിളക്കി ഒരു മണിക്കൂർ വയ്ക്കുക.
∙ശേഷം മൂന്നാമത്തെ ചേരുവ ചേർത്ത് ഇളക്കി യോജിപ്പിക്കുക.
∙ചീനച്ചട്ടിയിൽ എണ്ണ ചൂടാക്കി അഞ്ചാമത്തെ ചേരുവ മൂപ്പിക്കുക. പച്ചമണം മാറുമ്പോൾ തയാറാക്കി വച്ചിരിക്കുന്ന മാങ്ങാ ചേർത്തു യോജിപ്പിക്കണം. മാങ്ങാ വെന്തു പോകരുത്.
∙ഇതിലേക്കു വെള്ളം ചേർത്തിളക്കി വാങ്ങാം.
