1. മൈദ – 390 ഗ്രാം
ബേക്കിങ് ബൗഡർ – 10 ഗ്രാം
ഉപ്പ് – രണ്ടു ഗ്രാം
2. പഞ്ചസാര – 400 ഗ്രാം
നാരങ്ങാത്തൊലി ചുരണ്ടിയത് – ഒരു നാരങ്ങയുടേത്
3. മുട്ട – നാലു വലുത്, തണുപ്പു മാറ്റിയത്
വനില എക്സ്ട്രാക്ട് – ആറു ഗ്രാം
4. കൊഴുപ്പുള്ള പാൽ – 160 മില്ലി
5. എക്സ്ട്രാ വെർജിൻ ഒലിവ് ഓയിൽ – 160 മില്ലി
ഇറ്റാലിയൻ ബട്ടർക്രീമിന്
6. മുട്ടവെള്ള – അഞ്ചു മുട്ടയുടേത്
ക്രീം ഓഫ് ടാർറ്റാർ – ഒരു നുള്ള്
7. വെള്ളം – കാൽ കപ്പ്
പഞ്ചസാര – മുക്കാൽ കപ്പ്
8. പഞ്ചസാര – കാൽ കപ്പ്
9. വെണ്ണ – 450 ഗ്രാം, ചെറിയ ക്യൂബുകളാക്കിയത്
പാകം ചെയ്യുന്ന വിധം
∙ അവ്ൻ 1800Cൽ ചൂടാക്കിയിടുക.
∙ അഞ്ചിഞ്ചു വലുപ്പമുള്ള രണ്ടു കേക്ക് ടിന്നുകളിൽ മയം പുരട്ടി പേപ്പറിട്ടു വയ്ക്കണം.
∙ ഒരു വലിയ ബൗളിൽ ഒന്നാമത്തെ ചേരുവ ഇടഞ്ഞു വയ്ക്കണം.
∙ പഞ്ചസാരയും നാരങ്ങാത്തൊലിയും നന്നായി യോജിപ്പിച്ച് ഒരു ബൗളിലാക്കി മൂന്നാമത്തെ ചേരുവ ചേർത്തു നന്നായി അടിച്ചു യോജിപ്പിച്ചു മയപ്പെടുത്തണം.
∙ ഇനി മിക്സറിന്റെ സ്പീഡ് കുറച്ച്, മൈദ മിശ്രിതം മൂന്നു തവണയായും പാലും ഒലിവ് ഓയിലും രണ്ടു തവണയായും ഇടവിട്ടു ചേർക്കുക. തുടങ്ങുന്നതും അവസാനിക്കുന്നതും മൈദയിൽ ആയിരിക്കണം.
∙ ഇതു തുല്യഭാഗങ്ങളാക്കി രണ്ടു കേക്ക് ടിന്നിലും ഒഴിച്ചു മുകൾവശം നിരപ്പാക്കണം.
∙ ചൂടാക്കിയിട്ടിരിക്കുന്ന അവ്നിൽ വച്ച് 25–30 മിനിറ്റ് ബേക്ക് ചെയ്യുക.
∙ ഐസിങ് തയാറാക്കാൻ മുട്ടവെള്ള, ക്രീം ഓഫ് ടാർറ്റാർ ചേർത്ത് അടിക്കുക.
∙ ഏഴാമത്തെ ചേരുവ സോസ്പാനിലാക്കി അടുപ്പത്തു വച്ചു തിളപ്പിക്കണം.
∙ മുട്ടവെള്ള മിശ്രിതത്തിലേക്ക് കാൽ കപ്പ് പഞ്ചസാര അൽപാൽപം വീതം അടിച്ച് മൃദുവായ കുന്നുകൾ പോലെയാക്കണം.
∙ സിറപ്പ് ഒരു നൂൽ പരുവമാകുമ്പോൾ ഇതിലേക്കു ചൂടോടെ നൂൽ പോലെ ഒഴിച്ച് അടിക്കണം. തുടരെയടിച്ചു മുഴുവനും തണുത്ത ശേഷം വെണ്ണ ഓരോ ക്യൂബായി ചേർത്ത് അടിക്കാം.
∙ ഈ ഐസിങ് രണ്ടു കേക്കുകളുടെയും മുകളിൽ നിരത്തി, കേക്ക് മുഴുവനായും പൊതിയുക.
∙ ഇഷ്ടമുള്ള ഡിസൈനിൽ ഫോണ്ടന്റ് ഐസിങ് ചെയ്ത് അലങ്കരിക്കാം.
തയാറാക്കിയത്: ശില്പ ബി. രാജ്, പാചകക്കുറിപ്പുകൾക്കും ഫോട്ടോയ്ക്കു വേണ്ടി വിഭവങ്ങള്‍ തയാറാക്കിയതിനും കടപ്പാട്: ഫാത്തിമ അസീം, ബേക്ക് ടെയിൽസ് ബൈ ഫിയ, ആലുവ
