പീനട്ട് ബട്ടർ ചോക്ലേറ്റ് കുക്കീ കപ്സ്
1.വെണ്ണ – മയം പുരട്ടാൻ
2.പീനട്ട് ബട്ടർ – മുക്കാൽ കപ്പ് മുതൽ ഒരു കപ്പ് വരെ
പഞ്ചസാര – ഒരു കപ്പിന്റെ മൂന്നിലൊന്ന്
3.മൈദ – ഒന്നരക്കപ്പ്
4.ചോക്ലേറ്റ് ചിപ്സ് – ഒരു കപ്പിന്റെ മൂന്നിൽ രണ്ടു ഭാഗം
5.മുട്ട – രണ്ടു വലുത്
6.കണ്ടൻസ്ഡ് മിൽക് – ഒരു ടിൻ
വനില – ഒരു ചെറിയ സ്പൂൺ
പാകം ചെയ്യുന്ന വിധം
∙അവ്ൻ 350 f ൽ ചൂടാക്കിയിടുക.
∙36 ചെറിയ മഫിൻ കപ്പുകളിൽ നന്നായി വെണ്ണ പുരട്ടി വയ്ക്കണം.
∙രണ്ടാമത്തെ ചേരുവ യോജിപ്പിച്ചു നന്നായി അടിക്കുക.
∙ഇതിൽ മൈദ ചേർത്തു റൊട്ടിപ്പൊടി പരുവത്തിൽ യോജിപ്പിക്കുക. നനവു വരണം.
∙ഒരു വലിയ സ്പൂൺ നിറയെ മാവ് കോരിയെടുത്തു മഫിൻ കപ്പിലിട്ടശേഷം മുകളിൽ കുറച്ചു ചോക്ലേറ്റ് ചിപ്സ് വിതറണം.
∙ഇനി മുട്ട നന്നായി അടിക്കുക. ഇതിലേക്കു കണ്ടൻസ്ഡ് മിൽകും വനിലയും ചേർത്തിളക്കിയശേഷം ഇതും അൽപം വീതം കോരി മഫിൻ കപ്പിൽ ഒഴിക്കുക.
∙ഇതു ചൂടാക്കിയിട്ടിരിക്കുന്ന അവ്നിൽ വച്ച് 15–18 മിനിറ്റ് ബേക്ക് ചെയ്യുക. നടുഭാഗം പൊങ്ങിവരണം.
∙ഇത് അവ്നിൽ നിന്നു പുറത്തെടുത്തു നടുഭാഗം താഴ്ന്നശേഷം, ചൂടുള്ളപ്പോൾ തന്നെ ബാക്കിയുള്ള ചോക്ലേറ്റ് ചിപ്സ് മുകളിൽ വിതറുക.