ഫോട്ടോ: അസീം കൊമാച്ചി
1. മാമ്പഴം വെള്ളം ചേർക്കാതെ അരച്ചത് – ഒരു കപ്പ്
2. മുട്ട – രണ്ട്
3. പഞ്ചസാര – കാൽ കപ്പ്
വനില എസ്സൻസ് – ഒരു വലിയ സ്പൂൺ
4. ജെലറ്റിൻ – ഒന്നര വലിയ സ്പൂണ്‍, നാലു വലിയ സ്പൂണ്‍ വെള്ളത്തിൽ കുതിർത്തത്
5. പഞ്ചസാര – കാൽ കപ്പ്
6. വിപ്പിങ് ക്രീം അടിച്ചത് – ഒരു കപ്പ്
7. മാമ്പഴം ചെറുതായി നുറുക്കിയത് – കാൽ കപ്പ്
പുതിനയില – അലങ്കരിക്കാൻ
പാകം ചെയ്യുന്ന വിധം
∙ മുട്ടയുടെ മഞ്ഞയും വെള്ളയും വേർതിരിക്കുക.
∙ മുട്ടമഞ്ഞയിലേക്കു മൂന്നാമത്തെ ചേരുവ ചേർത്തു തിളയ്ക്കുന്ന വെള്ളത്തിനു മുകളിൽ പിടിച്ചു ചൂടാക്കി മയപ്പെടു ത്തിയെടുക്കണം. ഇതിലേക്കു ജെലറ്റിൻ കുതിർത്തതും ചേ ർത്തിളക്കി അടുപ്പത്തു നിന്നു വാങ്ങി മാമ്പഴം അരച്ചതും ചേർത്തിളക്കി വയ്ക്കണം.
∙ മുട്ടവെള്ളയിലേക്കു പഞ്ചസാര അൽപം വീതം ചേർത്തടിച്ചു മയപ്പെടുത്തണം.
∙ ഇതു മാംഗോ പ്യൂരി മിശ്രിതത്തിലേക്കു മെല്ലേ ചേർത്തു യോജിപ്പിക്കണം.
∙ ഇതിലേക്കു വിപ്പിങ് ക്രീം അടിച്ചതും മെല്ലേ ചേർത്തു യോജിപ്പിക്കുക.
∙ സെറ്റ് ചെയ്യാനുള്ള പാത്രത്തിലാക്കി മാമ്പഴം അരിഞ്ഞതു മു കളിൽ നിരത്തി പുതിനയില കൊണ്ട് അലങ്കരിച്ചു വിളമ്പാം.
