ഉരുളക്കിഴങ്ങ് വെർമിസെല്ലി ബോൾസ്
1.ഉരുളക്കിഴങ്ങ് – നാല്, ഇടത്തരം
2.മഞ്ഞൾപ്പൊടി – അര ചെറിയ സ്പൂൺ
ഉപ്പ്– പാകത്തിന്
3.എണ്ണ – ഒരു വലിയ സ്പൂൺ
4.സവാള – രണ്ടു വലിടയ സ്പൂൺ
പച്ചമുളക് – നാല്, അരിഞ്ഞത്
5.ഗരംമസാലപ്പൊടി – അര ചെറിയ സ്പൂൺ
മുളകുപൊടി – ഒരു ചെറിയ സ്പൂൺ
മഞ്ഞൾപ്പൊടി – അര ചെറിയ സ്പൂൺ
ഉപ്പ് – പാകത്തിന്
6.മുട്ട – രണ്ട്, ചിക്കിപ്പൊരിച്ചത്
7.റൊട്ടിപ്പൊടി – മുക്കാൽ കപ്പ്
8.വെർമിസെല്ലി മെല്ലേ പൊടിച്ചത് – അരക്കപ്പ്
9.എണ്ണ – വറുക്കാൻ ആവശ്യത്തിന്
പാകം ചെയ്യുന്ന വിധം
ഉരുളക്കിഴങ്ങു തൊലി കളഞ്ഞു വൃത്തിയാക്കി രണ്ടാമത്തെ ചേരുവ ചേർത്തു വേവിച്ചുടച്ചു വയ്ക്കണം.
ചുവടുകട്ടിയുള്ള പാനിൽ എണ്ണ ചൂടാക്കി സവാളയും പച്ചമുളകും വഴറ്റി സവാള ഇളം ബ്രൗൺ നിറമാകുമ്പോൾ അഞ്ചാമത്തെ ചേരുവ ചേർത്തു വഴറ്റി ഉരുളക്കിഴങ്ങും മുട്ട ചിക്കിപ്പൊരിച്ചതും ചേർത്തു നന്നായി ഇളക്കി യോജിപ്പിക്കുക.
ഇതു നാരങ്ങാ വലുപ്പത്തിലുള്ള ഉരുളകളാക്കി വെർമിസെല്ലി പൊടിച്ചതിൽ ഉരുട്ടി, ചൂടായ എണ്ണയിൽ വറുത്തു കോരുക.
ചൂടോടെ ടുമാറ്റോ കെച്ചപ്പിനൊപ്പം വിളമ്പാം.